Qazirgi tańda Qazaqstandaǵy iri janarmaı beketteri jelilerinde dızel otynynyń lıtri 135-136 teńge bolyp tur. Al agrarshylar úshin lıtrine 122-128 teńge deńgeıinde baǵa belgilengen bolatyn.
Sonymen birge, «Benzın (avıasııalyq benzındi qospaǵanda) men dızel otynyna arnalǵan aksız mólsherlemelerin bekitý týraly» Qazaqstan Respýblıkasy Úkimetiniń 2015 jylǵy 13 naýryzdaǵy № 133 qaýlysyna ózgeris engizý týraly» Qazaqstan Respýblıkasy Úkimetiniń 2017 jylǵy 31 naýryzdaǵy № 144 qaýlysyna sáıkes 2017 jyldyń 1 maýsymynan bastap dızel otynyn satýǵa aksız mólsherlemesi tonnasyna 9300 teńgeni quraıdy. Aksızdiń ulǵaıýy esebinen ǵana kóterme baǵanyń ósýi shamamen lıtrine 7,3 teńgeni quraıdy, bul JQS (janarmaı quıý stansııalary) jelilerindegi baǵaǵa áserin tıgizedi.
Dızel otyny men benzınniń baǵasyn birte-birte teńestirý – naryq tendensııalarynyń biri. Kóptegen elderde dızel otyny men benzınniń baǵasy birdeı. Mysaly, kórshi Reseıde bul munaı ónimderiniń baǵalary lıtrine 208-209 teńgeni quraıdy.
Sonymen qatar, óndirý men tutyný kólemderiniń, qorlar dınamıkasynyń, QR naryǵyndaǵy jáne RF ımportynyń kóterme baǵalarynyń ózgerýi keleshekte munaı ónimderiniń jekelegen túrlerine bólshek baǵalardyń ósýine áser etýi múmkin.