Aqtóbe qalasynyń ákimi Ilııas Ispanov «Egemen Qazaqstan» tilshisine sý tasqynyn týyndatqan jáıtter týraly aıtyp berdi. «Birinshiden, áli erimegen muz sýdyń aǵýyna múmkindik bermedi. Ekinshiden, kishi ózenderdegi gıdrologııalyq beketter sanynyń jetispeýi de tasqyndy týdyrýǵa áser etken. Úshinshiden, sońǵy jıyrma jyl ishinde kishi jáne shaǵyn ózenderdiń arnalaryn tazartý men keńeıtý jumystary júrgizilmegen. Al baý-baqsha ujymdaryndaǵy sý qorǵaý aımaǵynyń qurylysy zańsyz jasalǵan», – dep atap ótti qala ákimi. Kelesi kezekte Úkimet basshysynyń atyna joldanǵan tasqynnyń oryn alýynyń ózge de sebepterine kelsek, munda da I.Ispanov ataǵan birqatar sebep-saldarlar kórsetilgen. Aqtóbe qalasy men onyń mańaıynda tolqyndary týlaǵan iri ózender men aıdyn shalqar kólder bolmaǵanymen, sý qoımalary barshylyq. Iаǵnı onyń ornalasqan jeri sýdan qorǵaný aýmaǵyna kiredi. Sondyqtan sý qory aýmaǵy retinde onyń tusy men mańaıy muqııat bekitilmese, tosyn, kútpegen, oqys jaǵdaı oryn alýy ábden múmkin. Tipti solaı boldy da. Muny tasqynnyń basty bir sebebi desek she? Qazirgi kezde sý arnalary men ańǵarlaryn tazartý jumystary óte ózekti. Ári munyń ózi tasqyn sýdan aldyn-ala saqtaný joldarynyń biri bolyp tabylady. Alaıda, bul ister buǵan deıingi «jabaıy tásilmen» atqarylmasa eshqandaı nátıje bere almasy haq. Bul tuıyqtan shyǵatyn bir-aq jol – ony zamanaýı jabdyqtarmen jabdyqtaý. Aqtóbelik atqarýshy organdar Úkimet basshysyna joldaǵan usynystarynda osy jáıtti qosa kórsetken. Temir QUSAIYN, «Egemen Qazaqstan». AQTО́BE
Bıylǵy kóktemde Aqtóbede bolǵan sý tasqyny kezinde 1500 adam kóshirildi. 71 baý-baqsha seriktestigi men qala syrtyndaǵy úsh aýyldy sý basyp qaldy. Buǵan qandaı sebep boldy? Aqtóbe qalasy men Aqtóbe oblystyq ákimdigi osy jáıtterdi anyqtap, tıisti usynystardy Premer-Mınıstrdiń atyna joldady.