Úkimette halyqqa elektrondy qyzmet kórsetý máseleleri qaraldy

Aqparat jáne kommýnıkasııalar mınıstri Dáýren Abaev «Azamattarǵa arnalǵan úkimettiń» elimiz boıynsha 350-ge jýyq keńsesi baryn baıandady. Jyl saıyn 200 myńnan astam qyzmetker «bir tereze» qaǵıdaty boıynsha 40 mln-nan astam qyzmet kórsetedi.  Memlekettik korporasııa klıentterge baǵdarlanýdy arttyrýǵa baǵyttalǵan jańa tásilder men quraldardy jıi engizedi. Mysaly, jyl basynan beri qujattyń ázir bolǵany týraly habardar etetin sms-habarlama, telegram-bot, daıyn qujattardy úıge deıin jetkizý, elektrondy úkimet portalynan ESQ qoldanbaı anyqtama alý, Astana jáne Almaty qalalaryndaǵy HQKO-taryn tegin wi-fi-men qamtý tárizdi servıster iske qosyldy.  Alys eldi mekenderdiń turǵyndaryna qyzmet kórsetý úshin 70 mobıldi HQKO jumys isteıdi, olar jylyna 13 myńnan astam ret shalǵaıǵa shyǵady. Jelisi Qazaqstandaǵy eldi mekenderdiń basym bóliginde jumys isteıtin «Qazposhtamen» birlesip, ulttyq poshta operatorynyń keńselerinde memlekettik qyzmetti usyný boıynsha joba júzege asyrylyp jatyr.  Memleket basshysynyń tapsyrmasy boıynsha «Azamattarǵa arnalǵan úkimet» múmkindigi shektelýi adamdardy kedergisiz ortamen qamtýǵa erekshe kóńil bóledi. Bıyl estý jáne sóıleý qabileti buzylǵan jandarǵa arnalǵan onlaın-sýrdoaýdarma servısi iske qosyldy. Korporasııanyń keńselerinde arbaǵa tańylǵan múgedekter úshin pandýstar men shaqyrý túımeleri, Braıl mátinimen jazylǵan aqparattyq taqtalar, nashar kóretinderge arnalǵan taktıldi joldar bar. Sonymen qatar I jáne II toptardaǵy múgedekter úıde otyryp ta «Azamattarǵa arnalǵan úkimet» qyzmetterin ala alady.  Budan bylaı «Azamattarǵa arnalǵan úkimet» ESQ qoldanbaı elektrondy qyzmet usyný, proaktıvti qyzmet usyný, bir ótinim qaǵıdatyn engizý jáne eksaýmaqtyqqa kóshý tárizdi baǵyttar boıynsha jumystardy kúsheıtýdi josparlap otyr.