QR Bilim jáne ǵylym mınıstrliginiń agenttik joldaǵan saýalyna bergen jaýabynda qazaq tilinde bilim alǵan mektep bitirýshiler sany 90 800 bolsa, orys tildiler – 39 300, basqa tilde – 6100 adam bilim alady.
Túlekter sany eń kóp aımaqqa Ońtústik Qazaqstan oblysy (34 200), Almaty oblysy (14 700) jáne Almaty qalasy (10 myńnan astam) kiredi. Oblystardaǵy, Astana men Almaty qalalaryndaǵy bilim basqarmalarynyń aqparatyna súıensek, bıyl respýblıkalyq mektepterde «Altyn belgi» belgisinen 6280 bitirýshi úmitti. Olardyń ishinde qazaq tilinde bilim alatyndar sany – 4900, orys tildi – 1290, basqa da tildi – 110.
Buryn habarlanǵandaı, Qazaqstandaǵy 95 340 túlek Ulttyq biryńǵaı testileýden ótýge tilek bildirgen. Jańa úlgidegi UBT 20 maýsymda bastalyp, 1 shildege deıin jalǵasady. Sońǵy qońyraý barlyq mektepterde 25 mamyr kúni ótedi. Attestatty tapsyrý rásimi mektep ákimshiliginiń sheshimi boıynsha 2017 jyldyń 10-12 maýsym aralyǵynda ótedi. Mınıstrlik oqýdy bitirý sharalaryn 2017 jyldyń 15 maýsymyna deıin mektep qabyrǵasynda ótkizýdi usynyp otyr.