Aldyn ala aqparat boıynsha, 22 mamyr kúni Ulybrıtanııanyń Manchester stadıonynda bolǵan jarylystan qaıtys bolǵan jáne zardap shekkender qatarynda Qazaqstan azamattary joq, dep jazdy QR SIM baspasóz qyzmetiniń basshysy Ánýar Jaınaqov feısbýk paraqshasynda.
«Londondaǵy Qazaqstan elshiligi jergilikti quqyq qorǵaý organdarymen tyǵyz baılanysta. Qazaqstan azamattaryna saq bolý jóninde eskertýler taratylǵan. Elshiliktiń konsýldyq bóliminiń jedel jelisi iske qosýly: +44(0)7447470570 (WhatsApp). Manchesterdegi jaqyndaryńyz, týystaryńyz nemese dostaryńyzben baılanysyp, olardyń esen-saý ekendigine kóz jetkizýlerińizdi suraımyz», dep jazdy QR SIM baspasóz qyzmetiniń basshysy.
QR SIM málimdegendeı, jarylys bolǵan alańda qazaqstandyq alty stýdent bolǵan.
«Bizdiń dıplomattarymyz solardyń ekeýimen baılanys jasap, aman-saý ekendigine kóz jetkizdi. Olarǵa eshqandaı medısınalyq kómek qajet emes jáne dostarymen birge turatyn jerlerine aman-esen jetken», deıdi Ánýar Jaınaqov.