Parlamentshiler qaldyqtardy ıspandyq, ıtalııalyq, aýstrııalyq jáne fın óndirisiniń jabdyqtarymen suryptaıtyn jáne plastıkterdi óńdeıtin «KazRecycleService» JShS qaldyq suryptaý zaýytynyń jumysymen tanysty. Quny 36 mln evro turatyn joba jylyna 250 myń tonna qatty turmys qaldyqtaryn óńdeýge eseptelgen. Depýtattar sondaı-aq «Astana Eko-Polıgon NS» kásipornynda boldy. Qazirgi kezde 5-7 jylda 2 mln tonna qaldyq qabyldaýǵa eseptelgen bul keshenniń ekinshi kezegindegi qurylys-montaj jumystary aıaqtaldy. Respýblıkalyq buqaralyq aqparat quraldaryna bergen suhbatynda senatorlar Muratbaı Joldasbaev pen Bekmyrza Elamanov bizdiń elimizdegi «jasyl ekonomıka» qaǵıdalaryn engizý týraly aıta kelip, Senat depýtattary turmystyq qatty qaldyqtardy joıý salasyn zańnamalyq turǵyda qamtamasyz etýge járdemdesetinin aıtty. Senatorlar bul máseleni Senatta 31 mamyrǵa josparlanǵan Astana qalasyndaǵy turmystyq qatty qaldyqtardy joıý máseleleri men keleshegi taqyrybyna arnalǵan dóńgelek ústel otyrysynda jan-jaqty qaraıtyn bolady.
Senatorlar Astanadaǵy qaldyq óńdeý zaýytynyń jumysymen tanysty
110 ret
kórsetildi
«О́ńir» depýtattyq tobynyń quramyndaǵy senatorlar Astanadaǵy turmys qaldyqtaryn suryptaý jáne óńdeý kásipornynda boldy, dep habarlaıdy Parlament Senatynyń baspasóz qyzmeti.