Bilim– ǵylymnyń irgetasy jəne memleket damýynyń altyn arqaýy ekenin aıtqan aýdan ákimi Prezıdentimiz óz Joldaýynda bilim berý salasyna aıryqsha toqtalyp, adamı kapıtal sapasyn jaqsartý qajettigin aıtty dedi.
«Osy rette, aýdandaǵy apatty jáne apat aldyndaǵy mektepterdi joıý, bilim mekemeleriniń materıaldyq-tehnıkalyq bazasyn nyǵaıtýǵa basa nazar aýdarylýda. Apatty jáne apat aldyndaǵy 26 mektepten 2015-2017 jyldary 17 mektep, 2018-2020 jyldary 9 mekteptiń qurylysyn salý josparlanýda. Osylaısha, 2020 jyly apatty mektepter máselesi tolyǵymen sheshiledi»,-dedi ákim.
Onyń aıtýynsha, aýdanda ulttyq qor esebinen 300 oryndyq 5 mektep, al jergilikti bıýdjetten 100 oryndyq 3 mektep salynyp jatyr. Sonymen qatar, 2017 jyldyń maýsym aıyna deıin memlekettik-jekemenshik áriptestik aıasynda 12 jańa balabaqsha ashylyp, osynyń nátıjesinde 1455 bala balabaqshamen qamtylmaq.
Sonymen qatar, ol bıylǵy jyly 11 synypty bitirýshi 1640 oqýshydan 1156 oqýshy (70%)UBT-ke qatysýǵa ótinish bergenin aıtty. Al balalardy jazǵy demalyspen jáne saýyqtyrýmen qamtý maqsatynda 4 demalys lagerinde 3656 oqýshy demalady.
Sondaı-aq, aýdan basshysy osy jyly Qaqpaq aýyldyq okrýginde memlekettik-jekemenshik áriptestik aıasynda 300 oryndyq zamanaýı lager qurylysy jeke kásipker arqyly júzege asyrylatynyn jetkizdi.