El reıtınginde ilgerileý bar

Dúnıejúzilik ekonomıkalyq forýmnyń Jahandyq básekege qabilettilik ındeksi aıasyndaǵy ınnovasııany damytý deńgeıin anyqtaıtyn negizgi ındıkatorlar tehnologııalyq daıyndyq jáne ınnovasııalyq áleýet bolyp tabylady. Atalǵan ındıkatorlar sońǵy jyldary oń dınamıka kórsetip otyr. «Tehnologııalyq daıyndyq» ındıkatory 5-tar­maq­qa – 61-orynnan 56-orynǵa jáne «Innovasııalyq áleýet» 13-tar­maqqa – 72-orynnan 59-oryn­ǵa jaqsardy. Atalǵan ındı­katorlardyń jaqsarýy júrgi­zilgen údemeli ındýstrııalyq saıa­satpen baılanysty, onyń aıa­synda jańa jobalarmen birge jańa tehnologııalar keledi», dedi vedomstvonyń Tehnologııalyq já­ne ınnovasııalyq damý depar­tamenti dırektorynyń orynbasary Nesipgúl Esembaeva.

Búkilálemdik ıntellektýaldy menshik uıymymen birlesip «INSEAD» fransýz bıznes-mektebi, Kornel ýnıversıteti ázir­­legen Innovasııanyń jahan­dyq ındeksi reıtınginde de Qa­zaq­stan óz ornyn jaqsartqan. N.Esembaevanyń aıtýynsha, ÚIIDMB bastalǵanǵa deıin ın­no­­vasııalyq belsendilik 4 paıyz bolsa, 2016 jyly eki ese­den ar­tyq ósip, qazirgi ýaqyt­ta 9,3 paıyz­dy qurap otyr. «Inno­vasııalyq qarjylandyrý jyl saıyn artyp keledi. 2015 jylmen salystyrǵanda tehnologııalyq ınnovasııalarǵa bólingen qar­jy eki eseden asty. Bul ınno­va­sııa­lyq ónim kóleminiń ósýine oń áser etip otyr. 2015 jyly ınno­va­sııalyq ónimder kólemi 377 mlrd teńgeni qurasa, 2016 jyly atal­ǵan kórsetkish 20 paıyzǵa ósip, 445,8 mlrd teńgege jetti», dedi departament ókili.