Búgingi jarysqa Izraıl, Qyrǵyzstan, Reseı, Belorýsııa, О́zbekstan, Japonııa, Vetnam jáne Qazaqstan quramasynyń 100-ge jýyq sportshylary eki jas erekshelik boıynsha kópsaıys túrinen saıysqa túsedi.
Sporttyq sharanyń ashylý saltanatyna qatysqan Ońtústik Qazaqstan oblysynyń ákimi J.Túımebaev barsha týrnırge qatysýshy sportshylarǵa qosh keldińizder deı otyryp, jas sportshylarǵa sáttilik tiledi.
«Elimizdiń maqtanyshy Álııa Iýsýpova kórkem gımnastıkadan Azııa oıyndarynyń eki dúrkin absolıýtti jeńimpazy. Afına jáne Beıjiń qalalarynda ótken jazǵy Olımpıada oıyndarynda el namysyn abyroımen qorǵaǵan. Baıraqty básekede el namysyn abyroımen qorǵap, týymyzdy kókke kóterdi. Búginde kórkem gımnastıkadan QR bas jattyqtyrýshysy qyzmetin abyroımen atqaryp kele jatqan sport salasynyń biregeı bilikti mamany»,-dedi ákim.
Álııa Maqsutqyzy basqaratyn kórkem gımnastıka mektebiniń ashylǵanyna nebári 7 jyl ǵana bolǵanyna qaramastan sportshylary birneshe bıiktikterdi baǵyndyryp úlgerdi. Byltyrǵy jyly Brazılııada ótken 31-shi jazǵy Olımpıada oıyndarynda Álııanyń tól shákirti Sábına Áshirbaeva nebári 16 jasynda óner kórsetip, joǵary kórsetkishterge ıe boldy. Qazir oblystyq kórkem gımnastıka sport mektebinde 39 jattyqtyrýshy 289 balaǵa oqý-jattyǵý jumystaryn júrgizýde.
Oblysta osy sport túrinen halyqaralyq dárejedegi sport sheberi, jazǵy Azııa oıyndary men Azııa chempıonatynyń qola júldegeri, 2016 jyly Rıo-de-Janeıro qalasynda ótken jazǵy Olımpıada oıyndarynyń qatysýshysy, Qazaqstan Respýblıkasynyń birneshe dúrkin chempıony Sabına Ashırbaeva, halyqaralyq dárejedegi sport sheberi, jasóspirimder arasynda toptyq jattyǵýdan Azııa chempıony, Qazaqstan Respýblıkasynyń birneshe dúrkin chempıony Amına Rýstemova men halyqaralyq dárejedegi sport sheberi, jasóspirimder arasynda úsh dúrkin Azııa chempıony, QR birneshe dúrkin chempıony Alına Adılhanova jáne kóptegen sport sheberleri, halyqaralyq, respýblıkalyq jarystardyń jeńimpazdary men júldegerleri bar.
2011-2016 jyldary aralyǵynda jas erekshilikteri boıynsha mektep gımnastshylary Qazaqstan Respýlıkasynyń chempıondary, Azııa Oıyndary men Azııa chempıonattarynyń júldegerleri jáne Ispanııa, Estonııa, Reseı, О́zbekstan, Qyrǵyzstan, Belorýsııa, Týrkııa jáne Qazaqstan elderinde ótken birqatar halyqaralyq jarystardyń jeńimpazdary men júldegerleri atandy.
Osy jyldar aralyǵynda mektep gımnastshylary túrli deńgeıdegi jarystarǵa qatysyp, 123 - altyn, 130 - kúmis jáne 167 - qola medaldarǵa qol jetkizgen.