Kópshiliktiń kóńilin tolqytqan áserli keshtiń birinshi bóliminde I.S.Bah pen F.Býzonıdiń shyǵarmalary oryndalsa, ekinshi jartysy F.Shopenniń balladalarymen ashyldy.
«О́te názik Shopen naqyshtary tyńdaýshylaryn siltideı tyndyryp, aınalada múlgigen tynyshtyq ornaıdy. Jansaraıyńdy tek qana tekti mýzyka terbeıdi. Onyń týyndylaryn oınaǵanda saýsaqtaryń jeńil samǵap, klavıshtardy tebirenisti tereń sezimdermen basýyń kerek», deıdi sahnany kıeli sanaıtyn sańlaq.
Dúnıe júziniń nebir dúldúl teatrlarynda óner kórsetken tanymal tulǵanyń shyǵarmashylyq sherýi endi elimizdiń Qaraǵandy, Aqtóbe, О́skemen, Shymkent, Taldyqorǵan sııaqty oblys ortalyqtarynda, sondaı-aq Eýropanyń Jeneva, Brıýssel, Lıýksembýrg qalalarynda jalǵasyn tappaq kórinedi.
Búginde ol rektor retinde Ulttyq konservatorııa ujymyn Astanada ashylatyn EKSPO-2017 halyqaralyq kórmesine daıyndaý ústinde.
Talǵat TО́RE ALMATY