Ánshi Dımash Qudaıbergenniń týǵan kúnine oraı, búgin túngi 00:00-ge deıin Astananyń barlyq LED ekrandary tek qana Dımash týraly beınerolıkterdi kórsetedi.
«Sheteldik fanattarǵa Astanadaǵy eń kórnekti LED ekrandarmen kelisim jasaýǵa qol ushyn sozdym. LED ekrandardy bir kúnge jalǵa alýǵa bir mıllıon teńgeden astam qarajat jumsaldy, shyǵynnyń barlyǵyn Dımashtyń ónerin erekshe baǵalaıtyn qytaılyq «Guardians of Dimash» fanattar toby ótedi», deıdi EUÝ-dyń stýdenti Aqedil Nurbolatuly.
Aıta keteıik, búgin 23 jasqa tolǵan qazaqstandyq ánshi Dımash Qudaıbergenge álemniń túkpir-túkpirinen quttyqtaýlar joldanyp jatyr. Buǵan deıin amerıkalyq aktrısa jáne model Eva Longorııa men áıgili ánshi Lara Fabıannyń quttyqtaýy jarııalanǵan edi. Lara Fabıan quttyqtaýyn «Happy birthday to you» ánimen jetkizgen.