Qazaqstan Respýblıkasynyń Syrtqy ister mınıstrligi Lıvııadaǵy jaǵdaı boıynsha málimdeme jarııalady. Onda bylaı delinedi:
Qazaqstan Lıvııadaǵy sońǵy oqıǵalarǵa baılanysty eń jaqyn ýaqytta janjaldyń toqtaýyn, azamattardyń qaýipsizdigin qamtamasyz etý men turaqtylyq ornaýyn asa mańyzdy dep biledi.
Qazaqstan Lıvııa úshin mundaı dramalyq kezeńde lıvııa halqynyń tańdaýy men saıası erkin qurmetteı otyryp, eldiń egemendigi men aýmaqtyq tutastyǵynyń saqtalýyn, ulttyq jáne halyqaralyq zańnama normalarynyń qatań saqtalýyn jaqtaıdy.
Islam Yntymaqtastyǵy Uıymy Syrtqy ister mınıstrleri keńesiniń Tóraǵasy retinde Qazaqstan Lıvııadaǵy jaǵdaıdyń eń jaqyn ýaqytta rettelýi men gýmanıtarlyq daǵdarystyń eńserilýine qolushyn berý maqsatynda Uıymnyń barlyq resýrstaryn jınaqtaý úshin yqpaldasýǵa daıyn.
Osyǵan baılanysty Qazaqstan Islam Yntymaqtastyǵy Uıymyna múshe memleketterdi baýyrlas memleketke nıettestik bildirýge jáne 2011 jylǵy 30 maýsymdaǵy Uıymnyń Syrtqy ister mınıstrleri keńesiniń 38-shi sessııasynda qabyldanǵan «Lıvııaǵa gýmanıtarlyq kómek» týraly №2/38-ICHAD qararyn oryndaý úshin tıisti sharalar qoldanýǵa shaqyrady.