KÁSIPKERLER ÁNIIаNY ESKE ALADY

...Sonaý toqsanynshy jyldar­dyń basyndaǵy aýmaly-tókpeli kezde kásipkerlikke bet burǵan sanaýly qazaq qyzdarynyń biri – óskemendik Ánııa Jambylqyzy Mýsına edi. Eńbek jolyn “Mádı” fırmasynda bas esepshiden basta­ǵan Ánııa Jambylqyzy ábden ysylyp, tıynnan teńge quraýǵa izdenis tanytqan soń jubaıy Qaırat Maratuly Mýsınge óz oıyn bildiredi. Ol kezde Qaırat ta ká­sipkerlikke bet buryp, óz betinshe áreket etip jatqan. Bankten iri kólemde nesıe alyp “Zańǵar” úıin satyp aldy. Ánııa sol saýda úıine dırektor boldy. Amal bar ma, bul jalǵan ómir sonshama qysqa bolar dep kim oılaǵan, saýda úıiniń qyz­metin úılestirip, elýden astam adamǵa jumys taýyp bergen súı­kimdi de qarapaıym kelinshek ómirlik joldasy Qaırat pen úsh balasyn artqa tastap máńgilik saparǵa attanyp ketti. “Jaqsynyń jaqsylyǵyn aıt, nury tasysyn” demekshi, osydan tórt jyl buryn Qaırat Maratuly, dostary, týystary Ánııanyń beı­nesin este saqtaý úshin kásipker­lerdiń spartakıadasyn ótkizýdi qolǵa aldy. Qaırat Mýsın kezinde bokspen shuǵyldanyp, sport she­ber­ligine kandıdat normasyn oryn­daǵan, san márte oblystyq, respýb­lıkalyq jarystarda júldeger atanǵan azamat. Sport dese ishken asyn jerge qoıatyn Qaırat Marat­ulynyń maqsaty – zaıyby Ánııa­ny eske ala otyryp jastardy sport­qa kóptep tartý, onyń buqa­ralyǵyn arttyrý. Taǵy bir aıta ketetin jańalyq, jaqynda ǵana Qaırat Mýsınniń ujymy “Paryz” syılyǵynyń laýreaty atandy. Qurylysshylardyń Mádenıet úıindegi Ánııa Jambylqyzyn eske alýǵa arnalǵan kásipkerlerdiń spartakıadasy saltanatty jaǵdaıda ashyldy. Oǵan oblystyń alty komandasy qatysty. Ortalyq bazar, “Qanjar” JShS, “Sýleı­menov” jeke kásiporny, “Daıd­jest” jarnama, “Marat M” jáne úsh uıymnyń komandasy (“Ulan-kúzet”, “Zańǵar” saýda úıi, “Po­lısertıko” fırmasy) sporttyń tórt túri boıynsha úsh kún boıy kýbokty sarapqa saldy. Tennısten birinshi oryndy Qu­ralaı Maılysheva basqaratyn “Dı­na” ortalyq bazary seriktestiginiń komandasy jeńip aldy. Ekinshi orynda “Marat M” komandasy. Al úshinshi orynǵa Jomart Jańabaev­tyń “Daıdjest” komandasy ıe boldy. “Kóńildi start” oıyndary kóp­shilikti bir serpiltip tastady. Mun­da júldeli oryndarǵa “Marat M” jáne “Daıdjest” jarnama, “Sú­leı­menov JK” ujymdary ıe bol­dy. Komanda kapıtandary Quralaı Maılyshevanyń, V. Neshýnaevtyń, Áset Qaıyrbaevtyń, Mırjan Qu­saıynovtyń, A. Ámirenovtiń, Qa­nybek Jarýlınniń spartakıadaǵa tyńǵylyqty ázirlikteri atalyp ótti. Buǵan qosymsha DVD, DKS-1, DKS-2, “KM kompanııa” oıyn­shy­lary voleıboldan jarys ótkizip, (barlyǵy 9 komanda) DVD,ÚMZ, DKS júldegeri atandy. Sonymen eske alý týrnıri aıaq­taldy. Shyǵys Qazaqstan memle­kettik tehnıkalyq ýnıversıtetiniń birinshi prorektory, tehnıka ǵy­lymdarynyń doktory, professor Jeńis Kúlseıitov, tarıhshy, ja­zýshy Saǵdı Qapasov, Qaırat Mý­sın komandalyq esepte top jarǵan “Marat M” “Dına” saýda úıine jáne “Polısertıko” seriktestigine kompıýter, tońazytqysh, faksti syıǵa tartý etti. Keler jyly da bul týrnır jalǵaspaq. Ońdasyn ELÝBAI, О́skemen.