Memleket basshysy Nursultan Nazarbaev Qazaqstan Respýblıkasynyń Bas prokýrory Ashat Daýylbaevty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Bas prokýror Prezıdentti elimizdegi zańdylyq pen quqyqtyq tártiptiń jaı-kúıi, onyń tapsyrmalarynyń oryndalý barysy, sondaı-aq quqyq qorǵaý qyzmetin odan ári jetildirý máseleleri boıynsha qoldanystaǵy zańnamalarǵa túbegeıli ózgerister engizý boıynsha júrgizilip jatqan jumystar týraly habardar etti. Sonymen qatar, A. Daýylbaev Qazaqstanda ústimizdegi jyldyń kúz mezgilinde alǵash ret ótetin Prokýrorlardyń halyqaralyq qaýymdastyǵynyń 6-shy óńirlik konferensııasyna ázirlik týraly baıandady.
Kezdesýdiń qorytyndysy boıynsha Memleket basshysy zańdylyq pen quqyqtyq tártipti qamtamasyz etý jumystaryn jalǵastyrýdy, sondaı-aq azamattardyń, shaǵyn jáne orta bıznes ókilderiniń quqyqtaryn, memleket pen qoǵamnyń múddelerin qorǵaýdy kúsheıtýdi tapsyrdy.
* * *
Memleket basshysy Nursultan Nazarbaev Qazaqstan Respýblıkasynyń Ishki ister mınıstri Qalmuhanbet Qasymovty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Mınıstr Prezıdentti polısııany reformalaý jáne ishki ister organdary týraly zańnamany jetildirý jónindegi jumystardyń barysy týraly habardar etti.