Madrıdtiń «Realynda» óner kórsetetin portýgalııalyq Krıshtıaný Ronaldý «Altyn dop» júldesinde barlyǵy 745 upaı jınady, dep habarlady vesti.kz.
France Football basylymynyń syılyǵyna barlyǵy 30 fýtbolshy úmitker atandy. Jeńimpaz sport jýrnalısteri arasynda daýys berý arqyly anyqtaldy. 31 jastaǵy fýtbolshy óz mansabynda tórtinshi «altyn dobyna» qol jetkizip otyr.
Ekinshi orynǵa argentınalyq Lıonel Messı (316 upaı) jaıǵassa, úshtikti «Atletıko» klýbynyń forvardy Antýan Grızmann (198 upaı) túıindedi.
Aıta keteıik, 2010-2015 jyldar aralyǵynda FIFA (Halyqaralyq fýtbol federasııasy) men fransýz basylymy jyldyń úzdik oıynshysyn ulttyq quramalar kapıtandarynyń, bas jattyqtyrýshylarynyń, sondaı-aq jýrnalısterdiń daýys berýi arqyly anyqtaǵan. Uıymdastyrýshylyq jumystarymen atalǵan federasııa aınalyssa, nagrada «FIFA-nyń altyn doby» dep atalǵan.
Al bıyl FIFA men France Football arasynda áriptestik toqtap, jyl oıynshysyn basylymnyń ózi marapattady.
Nátıjesi tómendegideı:
4. Lýıs Sýares («Barselona»)
5. Neımar («Barselona»)
6. Garet Beıl («Real»)
7. Rııad Marez («Lester»)
8. Djeımı Vardı («Lester»)
9. Pepe («Real»)
9. Djanlýıdjı Býffon («Iýventýs»)
11. Per-Emerık Obameııang («Borýssııa»)
12. Rýı Patrısıý («Sportıng»)
13. Zlatan Ibragımovıch («Manchester Iýnaıted»)
14. Artýro Vıdal («Bavarııa)
14. Pol Pogba («Manchester Iýnaıted»)
16. Robert Levandovskı («Bavarııa»)
17. Dımıtrı Paıe («Vest Hem»)
17. Lýka Modrıch («Real»)
17. Tonı Kroos («Real»)
Sonymen qatar, "Altyn dop" júldesine úmitker 11 fýtbolshy tilshiler tarapynan eshqandaı daýysqa ıe bolmady. Olar: Serhıo Agýero («Manchester Sıtı»), Kevın de Breıne («Manchester Sıtı»), Paýlo Dıbala («Iýventýs»), Dıego Godın («Atletıko»), Gonsalo Igýaın («Iýventýs»), Andres Inesta («Barselona»), Koke («Atletıko»), Ýgo Lorıs («Totenhem»), Tomas Mıýller («Bavarııa»), Manýel Noıer («Bavarııa») jáne Serhıo Ramos («Real»).