«Halyq bank» AQ-nyń basqarma tóraǵasy Úmit Shaıahmetova International Banker halyqaralyq basylymynyń «Shyǵys Eýropadaǵy jyl bankıri» nomınasııasy boıynsha jeńimpaz atandy. Sondaı-aq, Halyq bank Qazaqstandaǵy úzdik banktik top retinde marapatqa ıe boldy. Bul týraly banktiń baspasóz qyzmetine silteme jasap 7kun.kz habarlady.
Basylym Shaıahmetovanyń basqarý stıli utymdy, kóregendi jáne strategııalyq tekseriske negizdelgenin, ony Halyk Group-tyń qarjylyq nátıjelerinen baıqaýǵa bolatynyn atap ótti.
Sondaı-aq, sarapshylar Úmit Shaıahmetova bank bıznesi men klıentterdiń qajettilikterin tereń túsine alady jáne qarjy sektorynda qalyptasqan tájirıbesi bar dep esepteıdi.
International Banker sarapshylarynyń sózinshe, qazirgi keze Qazaqstannyń bank sektoryndaǵy jaǵdaı ońaı emes, al bankter qıyn kezeńde jumys isteýde. Sondyqtan Halyq bankti Qazaqstandaǵy bank isinde úlgi etýge bolady.
Bank bıznestiń barlyq salalarynda balanstyń ósýin baqylap jáne nesıe portfeliniń sapasyn saqtap qalý úshin jumys istep otyr. Aıta keteıik, Úmit Shaıahmetova Halyq bankti 2009 jyldan beri basqaryp keledi.