Ádildikti sottan taptym

– deıdi naqaq qaralanǵan Oral qalasynyń turǵyny Vladımır Polýboıarov Biz bul kisini burynnan biletinbiz. Ol biraz jyldardan beri qurylys mekemelerinde jetekshilik qyzmetter atqaratyn. Soń­­ǵy ýaqyttarda Batys Qazaqstan ob­lys­tyq qurylys basqarmasy bas­ty­ǵynyń orynbasary bolyp istedi. О́zine júktelgen jaýap­ker­­shi­lik­ti tereń sezine biletin bas­shy ekenine de kúmánimiz bol­maı­tyn. Túlen túr­teıin dese qıyn ba? Kún­derdiń bir kúninde onyń ús­ti­nen qylmys­tyq is qoz­ǵaldy. V.Po­­­lýboıarov «Ege­men Qa­zaq­stan­nyń» tilshiler qo­synyna osy má­selege baıla­nys­ty kelipti. Aman­­dyq-saýlyqtan soń qo­lyn­daǵy papkasynyń arasynan eki-úsh paraq qaǵazdy aldy da: – Oqyp, tanysyp kórińizshi dep ótinish jasady. – Bul ne ózi Vladımır Borısovıch, túsindirip aıtpaısyz ba? – Túsindiretin eshteńesi joq. Bul Joǵarǵy Sottyń qylmystyq ister jónindegi qadaǵalaýshy sot alqasynyń 2011 jyldyń 26 shildedegi qaýlysy. Osy qaýlyǵa sáı­kes men Qylmystyq kodekstiń 307-babynyń 4-shi jáne 314-ba­by­nyń 2-shi tarmaqtary boıyn­sha tolyq aqtalyp shyqtym. Bul jerde respýblıkamyzdaǵy sot júıesi ádildiktiń tý ustaýshysy, qara qyldy qaq jarǵan tóreshisi ekenine kózim jetkenin aıtqym keledi. – Siz ne úshin qylmystyq jaýapkershilikke tartylyp edińiz? – Maǵan sybaılas jemqor­lyq­qa qatysy bar degen aıyp ta­ǵyldy. Belgili bir qurylys ny­sandaryn turǵyzǵan kezde keli­sim­sharttyq qarym-qaty­nas­tar­dy belinen basqan, ony óreskel buzǵan bolyp shyǵyppyn. Sóıtip, maǵan qatysty qozǵalǵan qyl­mys­tyq is birinshi kezekte Oral qalalyq so­tynda, sodan keıin Batys Qazaq­stan oblystyq apel­lıa­sııalyq sot satysynda qaral­dy. Joǵarǵy Sot olar shyǵarǵan sheshimdi ózgeris­siz, sol kúıinde qaldyrdy. Soǵan sáıkes maǵan joǵaryda taǵylǵan aıyptar negizsiz dep tabyldy. Memle­ke­ti­mizdiń bas gazetiniń ob­lystaǵy ókiline kelgen maqsatym – solar­ǵa degen shyn júrekten shyqqan alǵys sezimim men rıza­shy­ly­ǵym­dy jetkizý edi. Men, ásirese, Joǵarǵy Sot júıesinde qalyptasqan qarapaı­ym adamdarǵa degen sergek kóz­qa­rasqa tánti boldym. Joǵarǵy Sot músheleriniń árqaısysy qa­lyń-qalyń tórt papkadan tura­tyn ispen egjeı-tegjeıli tany­syp shyq­qany meni tańqal­dyrdy ári súı­sindirdi. Qaı istiń de basty jaýy – selqostyq pen nemquraıdylyq desek, mundaı kózqarastan olar­dyń qaı-qaı­sy­sy da boılaryn aýlaq ustaıtyn bolyp shyqty. Isti qaraý ba­ry­synda oı-pikir­ler­diń naqtylyǵy men aıqyndyǵy, júıeliligi men qısyndylyǵy kóz­ge birden baıqalyp turdy. Aıtaıyn degenim, bizdiń táý­elsiz, egemen elimizde naqaq qa­ra­lanǵan adamdarǵa arasha túsip, olardy qorǵap qala alatyn ádi­let­tiń aq almasyndaı sot júıesi qa­lyp­tasqan eken. Meniń osyǵan kó­zim jetti. Sondyqtan da táý­el­siz­diktiń 20 jylynda eli­miz­diń sot júıesi de, kúrdeli syn­darly joldan ótip, respýblıka azamat­ta­rynyń senimine ıe bo­la aldy dep aıta alamyn. So­nymen birge, osy sátti paıda­la­nyp Jo­ǵar­ǵy Sot Tóraǵasy B.Bekna­za­rovqa qylmys­tyq ister jónindegi qadaǵalaýshy sot alqa­synyń tór­aǵasy A.Qa­sy­movqa, osy alqanyń barlyq mú­she­lerine maǵan qa­tys­ty qaralǵan is materıaldarymen tanysý bary­syn­da ádildik ta­nyt­qandary úshin ta­ǵy da rıza­shy­lyǵymdy bildiremin. «Egemenge» kelgendegi aıtaı­yn degenim osy edi. Osy bir keýdemdegi shatty­ǵym­nyń kórinisi bas basy­lym­nan oryn taýyp jatsa, sheksiz qýa­nyshty bolar edim. Ol osylaı dedi de, bizge úmit arta qarady. Temir QUSAIYN. Oral.