Táýelsizdik merekesi qarsańynda Oral qalasynda oqýshylar jáne jastar saraıynyń jańa ǵımaraty paıdalanýǵa berildi. Áleýmettik-sporttyq baǵyttaǵy bul aıryqsha nysan óńir jastarynyń ıntellektýaldyq jáne rýhanı turǵydan jan-jaqty damýyna úlken múmkindikter týǵyzady dep kútilýde. Atalmysh oqýshylar saraıy Elbasymyzdyń tapsyrmasy boıynsha boı kótergen. Munda shyǵarmashylyq qyzmettiń barlyq túrlerimen jáne sportpen aınalysýǵa, sondaı-aq, ártúrli úıirmelerge qatysýǵa barlyq jaǵdaılar bar.
Jastar saraıyndaǵy erekshe jabdyqtalǵan eki úlken zaldy aıtpaı ketý esh múmkin emes. Onyń biri Oral óńiriniń týmasy, Rıo olımpıadasynyń chempıony, bokstan ulttyq qurama komandasynyń kapıtany Danııar Eleýsinovtiń atyna berilgen. Iаǵnı, bul zal resmı turǵydan alǵanda Danııar Eleýsinov atyndaǵy boks ortalyǵy dep atalmaq. Ǵımarat «KPO b.v» kompanııasynyń qarajatyna boı kótergen. Oqýshylar saraıynyń
ashylý rásimi kezinde oblys ákimi Altaı Kólginov sóz arnasyn osy aradan sabaqtady.
«QPO b.v.» kompanııasynyń bas dırektory Renato Marolı sátti júzege asqan bul joba kompanııa men oblys ákimdiginiń arasynda qalyptasqan oń qarym-qatynastardyń basty kórinisi ekenin atap ótip, ǵımarattyń sımvoldyq kiltin «Jas ulan» uıymynyń múshelerine tabystady. Ardager ustaz Borıs Chebakov pen Olımpıada chempıony Danııar Eleýsinov saltanatty lenta qııý rásimin oryndaǵan soń jınalǵandar oqýshylar jáne jastar saraıynyń ishin aralap kórdi.
Oral qalasyndaǵy oqýshylar jáne jastar saraıynyń ashylý rásimine Aqparat jáne kommýnıkasııalar mınıstri Dáýren Abaev qatysty.
Temir QUSAIYN,
«Egemen Qazaqstan»
ORAL