Jańa oqý jylynyń oljasy

О́RNEK AÝYLYNYŃ О́RKENDEÝINE MÚMKINDIK BEREDI Oblys ortalyǵynan shetkeri aýdannyń biri – Qarabalyq Reseımen shekarada ornalasqan. Shekaranyń syzyǵyndaı bolyp aǵatyn Úı ózeni aqyn, aýdarmashy, jýrnalıst Muhametjan Seralın osydan attaı 100 jyl buryn «Aıqap» jýrnalyn shyǵarǵan Troısk qalasy men qazaq dalasynyń arasyn bólip tur. Sonyń da sebebi bolar, bul aýdanda qazaq mektebi qashannan kóp bolǵan joq, barynyń ózi aýyldan jurt údere kóshken jyldary jabylyp qalǵan. Atyna saı tabıǵattyń salǵan órnegindeı aq qaıyń kómkergen óńirdegi О́rnek aýlynda Muhametjan Se­ralınniń kindik qany tamǵan. Halqy­myz­dyń birtýar perzenti sol jerde máńgilik tynystap jatyr. Qaımaǵy buzylmaǵan qa­zaq aýylyndaǵy orta mekteptiń dańqy bir kezderi alysqa ketip jatar edi. Kenjelep bolsa da Muhametjan atamyzdyń atyn alǵan sol mektep osydan biraz jyl buryn jabylyp qalǵan. Oǵan aýyl kó­shiniń toqtamaýy basty sebep bolǵan edi. Sońǵy kezderi kósh sırep, aýyldyń sál de bolsa eńsesi kóterilgen soń mekteptiń qajettigi qaıta biline bastady. О́rnek aýy­lyndaǵy turǵyndardyń ótinishimen ortalaý mektep qaıtadan ashyldy. – Aýylymyzdaǵy Muhametjan Seralın atyndaǵy mektep qaısy jyly jaby­lyp qalǵanymen, onyń ǵımaraty búlin­beı sol kúıinshe saqtalǵan bolatyn. Kóp jerlerde bosaǵan ǵımarattyń búline bas­taı­tynyn, ony qurylys materıaly úshin buzatynyn kózimiz kórip júr. Al bizdiń aýylda atamyzdyń atyndaǵy mektepti búl­dirýge eshkimniń qoly barmady, birneshe jyl bos tursa da bir shegesi qısaıǵan joq. Mine, sol úıdi ýaqyt talabyna saı qaı­tadan jóndep, az ýaqyttyń ishinde ja­ńa oqý jylyna daıyn ettik, – deıdi mektep dırektory Gúlbarshyn Ermaǵan­be­tova. О́rnek mektebin muǵalim kadrlarymen qamtamasyz etý de shama-sharqynsha júr­gizilýde. Endi órnektik balalar osy qazaq mektebinde oqıtyn bolady. Burynǵydaı ózge aýyldardan týǵan-týys izdemeıdi nemese aýdan ortalyǵyndaǵy ınternatqa jat­paıdy. О́z aýylynda, ata-anasynyń qa­synda bilim nárinen sýsyndaıtyn bola­dy. Qarabalyq aýdanynda 35 mektep bar. Bıylǵa deıin osy bilim oshaqtarynyń ekeýi qazaq tilinde bilim beretin. Endi jańa oqý jyly olardyń qataryna О́rnek qazaq ortalaý mektebi qosyldy, ıaǵnı qazir Qarabalyqta úsh qazaq mektebi bar. Degenmen, keıingi jyldary aýyldarda qazaq mektepteriniń ashylýy shabandap ketti. Aýdan basshylarynyń jáne oblys­ta­ǵy bilim berý salasy mamandarynyń aıtýynsha, bala sanynyń azdyǵy men ma­mandardyń jetispeýi memlekettik tilde bilim beretin mektepterdi ashýdyń basty qıyndyǵy bolyp otyr. Alaıda, keıbir aýyldardaǵy kórinis basqasha oı túıýge jeteleıdi. Osy aýdandaǵy Mıhaılov se­lo­syndaǵy orta mektepke baratyn 130 ba­lanyń 30 paıyzynyń ulty qazaq. Al osy aýylǵa irgeles Lesnoı aýylynyń turǵy­ny Emelhan Sharapı qazaq tilinde bilim alý úshin tórt balasyn birdeı aýdan orta­ly­ǵyndaǵy ınternatqa berdi. Aýyl mektepterine maman turaqtatý tek Qarabalyq aýdany ǵana emes, jalpy oblys óńirindegi ózekti máseleniń biri. Mektep jabylǵan jerde aýyl bolmaı­dy, sondaı-aq el bolmasa mektep te ashy­l­maıdy. Qarabalyq aýdanyndaǵy aýyldar­dyń joıylýy saldarynan qazaqtyń talaı azamattaryn tárbıelep shyǵarǵan irgeli bilim oshaǵy – Tastyózek orta mektebi jabylyp tyndy. Bıylǵy jańa oqý jy­lynyń oljasy bolǵan mektep О́rnek aýylynyń oblys kartasynan syzyl­maı­tyny aýyldaǵylardyń senimin kúsheıe bastady. Názıra JÁRIMBETOVA. Qostanaı oblysy, Qarabalyq aýdany.