Búgin TMD, Baltyq jáne Grýzııa elderiniń halyqaralyq kınofestıvali jeńimpazdarynyń esimderi belgili boldy. Olardyń ishinde Berik Jahanovtyń «Erkek» fılmi de bar, dep habarlady festıvaldiń uıymdastyrý komıtetiniń baspasóz qyzmeti.
Baıqaýda «Úzdik fılm» júldesin Pavel Kýzýıoktyń (Moldova) «Raısa» kartınasy, «Úzdik rejıssýra» Berik Jahanovtyń (Qazaqstan) – «Erkek» fılmi aldy.
Ulttyq baıqaýda «Úzdik fılm» rejısser Bolsýnbek Taalaıbek ýýlýnyń «Oljo» kartınasyna buıyrsa, «Úzdik rejıssýra» nomınasııasy rejısser Kenjebek Shaıloobaevtyń «Tegırmen» (Melnısa) fılmine berildi. Ádilqazylardyń arnaıy júldesi rejısser Syrǵa Qýbandyq qyzynyń «Soblazn bogatstva» fılmine tabystaldy. Aıta keteıik, ádilqazylar quramynda Dárijan О́mirbaev, Vırdjılı Merdjınıan, Ella Manjeeva, Taalaıbek Kýlmendeev pen Mansýr Vasatı boldy.