Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Qýanysh Sultanov QHR HО́BJ Turaqty komıteti bas hatshysynyń orynbasary Sao Veıchjoýmen kezdesti, dep habarlady Parlament Senatynyń baspasóz qyzmeti.
Halyq ókilderiniń Búkilqytaı jınalysy Turaqty komıtetiniń tóraǵasy Ý Bangonyń Qazaqstanǵa alǵashqy resmı saparyna ázirlik aıasynda ótip otyrǵan kezdesýde Qazaqstan men Qytaıdyń ekijaqty qatynastaryn odan ári nyǵaıtý máseleleri boıynsha pikir almasyldy. Q.Sultanov atap ótkendeı, Qazaqstan men Qytaıdy dástúrli dostyq jáne tatý kórshilik qatynastar baılanystyrady, eki memleket arasyndaǵy strategııalyq yntymaqtastyqtyń barlyq salalary tabysty bolyp keledi.
Kezdesý barysynda taraptar tatý kórshiles eki eldiń strategııalyq áriptestigin damytýdaǵy Qazaqstan basshysy N.Nazarbaev pen Qytaı basshysy Hý Szıntaonyń aýqymdy úlesin atap ótti.
S.Veıchjoý aıtqandaı, «HО́BJ tóraǵasy Ý Bangonyń dos jáne qonaqjaı elge saparyna Qytaı úkimeti zor mańyz beredi».