Nazarbaev zııatkerlik mektebi bilimdi baǵalaý júıesi jóninde semınar ótkizdi

Ulttyq zııatkerlik áleýetin da­my­týǵa yqpal etý, ár muǵa­lim­niń, oqý­shynyń ózin-ózi ósirýge jáne shyǵarmashylyqqa umty­lý­ǵa, joǵa­ry ónegeli bolýǵa, eń bastysy, táý­el­siz Otanymyzdyń erteńgi tul­ǵaly azamattaryn qalyptasty­rý maqsatynda qu­ryl­ǵan bul bilim ordasy sońǵy jyldary el aýma­ǵyn­da úlken bedelge ıe bolyp otyr. Jańa oqý jylynda Astana, Kókshe­taý, Semeı, Taldyqorǵan jáne О́s­ke­men qalalarynda 6 birdeı Nazarbaev zııatkerlik mektepteri oqýshy­lar­ǵa esik ashty. Jyl aıaǵyna deıin Oral qalasyndaǵy bilim ordasy­nyń qurylysy aıaqta­latyn bola­dy. Semınarda elimizdiń jalpy bilim beretin mektepterine arnal­ǵan onlaın sabaǵy kórsetildi. Bir jyl ishinde ınternet arqyly ótkiziletin osyndaı semınar sa­baqtardyń uzyn sany 340-ty qu­raıdy eken. Sabaqqa qatysý­shy­larǵa zertteý daǵdy­la­ryn jetildirýge, oılaýdy da­mytýǵa ba­ǵyt­tal­ǵan praktıkalyq jáne zert­ha­nalyq sabaq usy­nylatyn bola­dy. Zııatkerlik mektep muǵalim­deri kúr­de­li esepterdi shyǵarý tásilderin usynsa, oqý­shylar ózderin tolǵan­dy­ryp júr­gen suraqtaryn qoıyp, soǵan naqty jaýaptar alady. «Nazarbaev zııatkerlik mektepteri» aksıonerlik qoǵamynyń tór­aıymy Kúlásh Shámshıdınovanyń aıtýyna qaraǵanda, mekteptegi muǵalimder­diń sheberligin jetildirý boıynsha Na­zarbaev ýnıversıtetimen birlikte jumys atqaryp jatyr eken. Sol bilim ordasynda 100 muǵalim zııatkerlik mektepter úshin ázirlenip jatsa, olar kelesi jyly synnan súrin­beı­tin bol­sa ǵana bilim uıalaryna ora­lady. Zııatkerlik mektepterdiń tá­ji­rıbesin taratý maqsatyna keletin bolsaq, bul bilim uıasyn pedagogı­ka­lyq sheberlik ortaly­ǵy deýge bo­la­dy. «Biz tıisti oryn­darǵa jalpy bilim beretin mektep muǵalimderi úshin Kembrıdj ýnı­versıtetiniń ha­lyq­aralyq synaq keńesimen birlesken kishi orta­lyqtar qurýdy usynǵan edik. Ol Úkimet tarapy­nan qoldaý tapqan. Súleımen MÁMET.