Dostastyq elderindegi biregeı mektep

Jańa oqý jylynyń bas­ta­lýynan bir kún buryn El­basy Nursultan Nazarbaev «Haileybury Astana» halyq­ara­­lyq mektebine baryp, ara­lap kórdi. Brıtanııanyń 200 jyldyq tarıhy bar eń áıgili derbes oqý oryn­da­ry­nyń biri bolyp tabylatyn atalmysh mekteptiń alǵash­qy­sy osydan úsh jyl buryn Almatyda irge kótergen bolsa, endi minekı, Astanada esigin aıqara ashyp otyr. 2009 jyly qurylysy bas­tal­ǵan «Haileybury Astana» mektebi Prezıdenttik saıabaq aýda­nynda ornalasqan. Mekteptiń jalpy aý­ma­ǵy 13 gektar, oqý ǵı­marattary 21 myń sharshy metr­di alyp ja­tyr. 53 synyp, 6 zerthana, 3 dy­bys jazý stý­dııa­sy, 1 sheberhana, 10 mýzykalyq synyp, 1 sportzal, 2 basseın, 600 oryndyq ashana, 4 tennıs korty, 1 fýtbol alańy, 780 oryn­dyq teatr, bı stýdııasy bar mektepte 640 oqýshy oqıtyn bo­la­dy. Sonyń ishinde 160-y bas­taýysh mektepke barsa, 160 oqý­shy orta býynda jáne 320-sy jo­­ǵary synyptarda bilim ala­dy. Sa­baqtar aptasyna bes kún, tań­er­teńnen keshke deıin jal­ǵa­sady. Bıylǵy oqý jy­lynyń al­ǵashqy kezeginde 1 synyptan 6 synypqa deıingi 220 jetkinshek oqýǵa qa­byl­danypty. Oqýshy­lar­ǵa 61 mu­ǵalim sabaq berse, olar­dyń 27-si shet­elden shaqyr­tylyp, qalǵan 34-i ózimizdiń otan­dyq ustazdar eken. Mektep basshylarynyń sózde­rine súıensek, jalpy qurylysqa 46 mln. AQSh dollary jumsalsa, bul qarajatty «Qazaqstan Res­pýb­lıkasy Tuńǵysh Prezıdenti­niń qory» qoǵamdyq qory men eli­mizdiń birqatar jetekshi kásip­ker­leri kóterip alypty. Al mek­teptiń oqý baǵdarlamalaryna keler bolsaq, oqý jospary Uly­brı­tanııanyń oqý jos­pa­ry stan­dartyna negizdelgen eken. Biraq mekteptiń Qazaq­stan­da ornalas­qa­ny eskerile oty­ryp, akade­mııa­lyq baǵdar­la­ma Qazaqstan Res­pýblı­ka­sy­nyń Memlekettik jal­py­ǵa min­detti bilim berý stan­dart­ta­ryna múmkindiginshe sáı­kes­­ten­dirilgen. Joǵary synyp­tar­dan bastap oqytý halyq­ara­lyq bakalavr dıplomyna ıe bolý úshin akkredıttelgen baǵdarlama boıynsha júrgiziledi. Mektep ǵımaratymen tanysý barysynda Elbasy Nursultan Na­zarbaev mekteptiń oqytý baǵ­darlamasyndaǵy keıbir erekshelikterge toqtaldy. «Qazaqstanda biz úsh tildi damytamyz dep otyr­myz. Birinshi orynda, eń bastysy – qazaq tili. Ol – memlekettik til. Sosyn aǵylshyn, orys tilderin oqytamyz. Bul barlyǵyna túsi­nikti bolý kerek. Men ózim bizdiń elde osyndaı mektepter bolýy úshin bárin jasadym. Almaty­da­ǵy mektep te, osy mektep te Qazaqstan aýmaǵynda ornalasqan. Sondyqtan, árbir bala bizdiń hal­qymyzdyń tarıhyn, ádebıetin, mádenıetin bilip shyǵýy tıis», – dedi Elbasy. Bilim ordasyn aralap shyq­qan­nan keıin Elbasy osynda bilim alatyn oqýshylardyń ata-ana­larymen de kezdesip, «Hailey­bu­ry» mektebi týraly pikirin or­taǵa saldy. TMD aýmaǵynda nebári eki-aq «Haileybury» mektebi bar ekenin jáne ekeýi de Qazaq elinde ekendigin tilge tıek etti. «Haileybury Astana» mekte­bi­niń bolashaqtaǵy oqý úrdisteri jaı­ly bilmek oımen mektep dı­rektory Endrıý Osterdi sózge tart­qan edik. Onyń aıtýynsha, bilim berý júıesinde eń basty qural – muǵalimniń biliktiligi. «Us­taz myqty bolsa, shákirt te bilimdi bolady. Sol úshin de mektepke bilimdi ári bilikti ustaz­dar­dy jumysqa alýdy qatty qada­ǵa­lap otyrmyz. Sabaqtar aǵylshyn tilinde júrgizilgenimen, qazaq jáne orys tilderine de basym­dyq­tar beretin bolamyz», – dedi ol. Qytaıdyń «Bir jyldyq jospar qurǵan – kúrish eger, on jyldyq jospar qurǵan – aǵash otyrǵyzar, ómirlik jospar qurǵan – urpaǵyn bilimmen sýsyndatar», degen máteli bar. Eldiktiń erteńin ór tulǵaly, bilimdi, maqsatker jastardyń boıynan kórýge asyqqan kıeli Qazaq eli de dál osy máteldegi aıtqan tereń oımen óz óren­de­rin jan-jaqty oqytyp, olar­dyń bilim alý jolynda qar­jy­ny da, qaıratty da esh aıamaq emes. О́ıtkeni, biz eldik jolynda jastardyń jigeri­ne nyq sengen halyqpyz. Araı ÚIRENIShBEKQYZY.