HABARDAR BOLYŃYZDAR, QATYSYŃYZDAR
Jambyl oblysynyń ákimdigi óńirdiń áleýmettik-ekonomıkalyq tynys-tirshiligin kórsetý boıynsha buqaralyq aqparat quraldary arasynda shyǵarmashylyq konkýrs ótkizedi
Konkýrs 16 jeltoqsan – Qazaqstan Respýblıkasynyń Táýelsizdigi kúnine oraı jyl saıyn uıymdastyrylady.
Konkýrstyń maqsaty jýrnalısterdiń (BAQ-tyń ujymy) Jambyl oblysynyń mańyzdy áleýmettik-ekonomıkalyq damýy men aımaqta iske asyrylyp otyrǵan memlekettik saıasattyń júzege asyrylý barysyna nazaryn aýdarý, sonymen qatar, jergilikti atqarýshy organdar qyzmetine aqparattyq qoldaý kórsetý bolyp tabylady.
Konkýrsqa oblystyń áleýmettik-ekonomıkalyq damýynyń ózekti máseleleri men jetistikterin nasıhattaıtyn jarııalanymdar, telesıýjetter, radıohabarlamalar, ıntervıý, reportajdar, ocherkter qabyldanady.
Konkýrsqa jýrnalıster, táýelsiz avtorlar men aımaqtyq BAQ redaksııalarynyń ujymy qatysa alady.
Konkýrsqa jalpy basshylyq júrgizýdi oblys ákimi bekitken oblys ákimi orynbasarynyń tóraǵalyǵymen, konkýrsqa qatysýshylardyń materıaldaryn irikteý jáne oblys ákimine úmitkerlerdi anyqtaýdy konkýrstyq komıssııa júzege asyrady (ary qaraı – Komıssııa).
Konkýrs kelesi nomınasııalar boıynsha ótkiziledi:
– «Úzdik pýblısıstıkalyq materıal»
– «Úzdik taldamalyq materıal»
– «Úzdik ocherk»
– «Úzdik aqparattyq habarlama»
– «Úzdik tele-radıo reportaj»
– «Úzdik basylym jáne telekompanııa»
– «Úzdik foto»
Konkýrsqa qatysýǵa jiberilgen materıaldarǵa qoıylatyn talaptar:
1) Konkýrstyń ótý mezgilimen saı teleefır men radıoefırdi jyldyń aqpanynan qarashasyna deıin jarııalaý nemese ornalastyrý;
2) merzimdi basylymdar – gazet (jýrnal) túpnusqalary túrinde;
3) aqparattyq agenttikter – materıaldyń shyǵý merzimin kórsete otyryp, qaǵaz túrinde;
4) beıne – meken-jaıy men avtor týraly málimet kórsetilgen CD, DVD sandyq tasymaldaýyshtarynda, pishini AVI, MPEG4. Efırlik anyqtama men redaksııanyń joldama haty bolýy kerek;
5) radıo – meken-jaıy men avtor týraly málimet kórsetilgen CD, DVD sandyq tasymaldaýyshtarynda, pishini Mr3. Efırlik anyqtama men redaksııanyń joldama haty qosymsha tirkelýi tıis;
6) foto – túrli-tússiz, túrli-tústi negatıv pen slaıdtar, uzyndyǵy 18 sm., joǵary, eni 45 sm.-den tómen túrli-tússiz, túrli-tústi fotosýretter túrinde. Fotosýrettiń arǵy betinde onyń qaı jerde, qaı kezde túsirilgeni jáne avtor týraly málimet kórsetilýi tıis.
Konkýrsqa qujattardy 2011 jyldyń 30 qarashasyna deıin oblys ákimdigi ishki saıasat basqarmasynda myna meken-jaıda qabyldaıdy. Taraz qalasy, «Dostyq» alańy, 1, ındeks:080000, anyqtama telefondary:45-55-73, 43-71-72, elektrondyq poshta: uvp_taraz@mail.ru.
Konkýrstyń qorytyndysy oblys ákimdigi otyrysynyń hattamasy úlgisinde daıyndalady jáne ony ústimizdegi jyldyń 16 jeltoqsanyna deıin jarııalaıdy. Nomınasııalar boıynsha jeńimpaz atanǵan jýrnalısterge, táýelsiz avtorlarǵa jáne shyǵarmashyl ujymdar men BAQ ókilderine estelik dıplomdar, salyq boıynsha sáıkes mindetti tólemderi oryndalatyn aqshalaı jáne zattaı syılyqtar tapsyrylady.
Konkýrstyń jarııalanýy týraly aqparat pen onyń qorytyndysy Jambyl oblysy ákiminiń saıtynda (www.zhambyl.kz) ornalastyrylady, sonymen qatar, jergilikti baspasóz betterinde jarııalanady.