Parlament Senaty apparatynyń basshysy Talǵat Sársenbaev QHR HО́BJ Turaqty komıteti bas hatshysynyń orynbasary Sao Veıchjoýmen kezdesti, dep habarlady Senattyń baspasóz qyzmeti.
Kezdesý barysynda Parlament Senatynyń Tóraǵasy Qaırat Mámıdiń shaqyrýy boıynsha Halyq ókilderiniń Búkilqytaı jınalysy Turaqty komıtetiniń tóraǵasy Ý Bangonyń 2011 jylǵy 23-28 qyrkúıekte Qazaqstanǵa alǵashqy resmı saparyna ázirlik máseleleri talqylandy.
«Biz QHR joǵary ókildi organy birinshi basshysynyń bizdiń elimizge aldaǵy saparyna erekshe mańyz beremiz», – dedi T.Sársenbaev jáne ol sapardyń joǵary deńgeıde ótetinine senim bildirdi.
«Bizdiń elimizdiń joǵary ókildi organy basshysynyń Qazaqstanǵa kelýi bizdiń dástúrli dostyǵymyz ben tatý kórshiligimizdi, sondaı-aq eki memleket arasyndaǵy jan-jaqty strategııalyq áriptestikti damytýǵa ázirligin kórsetedi», dedi S.Veıchjoý.