Reseıdiń Arhangelsk qalasynda gir sportynan ótip jatqan dúnıejúzilik olımpıadada atyraýlyq Evgenıı Ýhov álemdik rekordty jańartyp, Gınnestiń rekordtar kitabyna endi.
Ol álemniń 44 elinen jınalǵan 500 atlettiń aldynda 75 kıloǵa deıingi salmaqta 24 kılogramdyq girdi 2 mınótte 65 ret kóterip, «julqı-sprınt» nomınasııasynda birinshi oryndy jeńip aldy. Osy jeńisin E.Ýhov el Táýelsizdiginiń 20 jyldyǵyna arnap otyr.
Bul – E.Ýhovtyń sońǵy 15 jylda qatysyp kele jatqan túrli halyqaralyq jarystardaǵy 8-shi álemdik rekordy. Ol – gir sportynan Qazaqstannyń, Reseı, Eýropa jáne álemniń birneshe dúrkin chempıony.
Dastan KENJALIN.