Aksııa qorytyndylary boıynsha óńir turǵyndary 14 mlrd 248 mln 722 myń teńgege 3967 jyljymaıtyn múlik nysanyn jarııa etti, dep habarlady ShQO Aqparat ortalyǵy.
«Osy aksııa tirkelmegen úıler men saıajaılardy, kommersııalyq nysandardy zańdastyrýǵa, salyq salýdan jasyrylǵan jáne «kóleńkeli aınalymǵa» áketilgen múlik pen qarajatty usynýǵa jaqsy múmkindik boldy. Osy rette zańdastyrý sýbektilerine zańdastyrýdyń barynsha ońaılatylǵan, qoljetimdi tásilderi jáne birqatar kepildikter berildi», - delingen habarlamada.
Júrgizilgen jarııa etý qorytyndylary osy aksııanyń artyqshylyqtaryn negizinen tirkelmegen múlkin zańdastyrǵan jeke tulǵalar paıdalanǵanyn kórsetti. Jalpy oblys boıynsha eki jyldan astam ýaqyt ishinde 6647 ótinish berilgen.
Shyǵys Qazaqstanda jalpy quny 14 mlrd 248 mln 722 myń teńgeni quraıtyn 3967 jyljymaıtyn múlik nysany jarııa etilgen, sonyń ishinde 1302 turǵyn úı, 2375 úı men saıajaı, 283 kommersııalyq nysan.
30 jeltoqsanǵa deıin komıssııanyń qaraýynda jyljymaıtyn múlikti jarııa etýge arnalǵan 1914 ótinish bar.
Eske sala keteıik, Qazaqstanda múlik pen kapıtaldy jarııa etýge qujattardy qabyldaý aıaqtaldy.