Shyǵys Qazaqstan oblysynda 2016 jyly 5 ónerkásiptik nysan salyndy, dep habarlady óńirdiń statıstıka departamenti.
«Shyǵys Qazaqstan oblysy, burynǵysynsha, elimizdiń qarqyndy damyp kele jatqan óńiri bolyp tabylady. Jańa nysandardyń qurylysy júrip jatyr, olardy ár túrli áleýmettik-ekonomıkalyq salalarda paıdalanýǵa engizý júzege asyrylýda», - delingen habarlamada.
2016 jylǵy qańtar – qarasha aralyǵyndaǵy kezeńde turǵyn úı maqsatyndaǵy emes 151 nysannyń qurylysy aıaqtaldy. Oblysta 5 ónerkásiptik, 33 saýda, 3 mádenı-oıyn-saýyq maqsatyndaǵy nysan, 41 qonaq úı, meıramhana jáne uqsas nysandar salyndy. Budan bólek, 9 oqý orny, 4 keńse, 7 kólik, baılanys jáne kommýnıkasııalar nysany, 6 rezervýarlar men qoıma, 29 aýyl sharýashylyǵy maqsatyndaǵy nysannyń, 14 basqa nysannyń qurylysy aıaqtaldy.
Sondaı-aq turǵyn úı qoryn tolyqtyrý júrip jatyr. 2016 jylǵy 11 aı ishinde 2785 páter paıdalanýǵa engizilgen, bul ótken jyldyń uqsas kezeńimen salystyrǵanda 10,4%-ǵa artyq. Paıdalanýǵa berilgen turǵyn úıdiń jalpy aýdany 265 094 sharshy metrdi qurady.