Qazaqstanda «Nurly jol» baǵdarlamasy boıynsha TKSh-ni jańǵyrtý salasynda 2016 jyly 56,1 km jylýmen qamtamasyz etý jelisi jańǵyrtyldy, dep habarlaıdy strategy2050.kz.
20 jeltoqsanda ótken QR Úkimetiniń otyrysynda Qazaqstanda qoǵamdyq-saıası turaqtylyq saqtalyp, jumyssyzdyq deńgeıin ósirmeý júzege asyrylǵany aıtyldy.
Máselen, «Nurly jol» baǵdarlamasy boıynsha kóliktik-logıstıkalyq, ındýstrııalyq, áleýmettik jáne turǵyn úı salasynda iri ınfraqurylymdyq jobalardyń qurylysy júrgizildi.
««Nurly jol» memlekettik baǵdarlamasy kontrkezeńdik maǵynaǵa ıe, sondyqtan ol ekonomıkanyń qurylymdyq reformalaryn jalǵastyrady», - dedi Elbasy Nursultan Nazarbaev 2014 jyldyń 11 qarashasyndaǵy Joldaýynda.
Bıylǵy jyldyń 11 aıynda «Nurly jol» baǵdarlamasy boıynsha 435 mlrd teńge nemese jyldyq kólemniń 92% -y ıgerildi. Jyl boıynsha respýblıkalyq deńgeıde oryndalý kólemi shamamen 99,9% bolady dep kútilýde.
Jergilikti organdar 215,5 mlrd teńgeni nemese berilgen qarajattyń 94,5%-yn ıgergen, 12 mlrd teńge ıgerilmegen.
Igerilmegen qarajattyń eń kóp kólemi Mańǵystaý men Aqtóbe oblystarynda baıqalady. Aýtsaıderler qatarynda Almaty, Aqmola jáne Atyraý oblystary bar.
Jumys óndirisi kestesinen keshigý ıgerilmeýdiń negizgi sebebi bolyp tabylady.
Memlekettik baǵaly qaǵazdardy ornalastyrýdan túsken qarajat 87,4%-ǵa nemese 25 mlrd teńgege ıgerilgen. Jyl sońyna deıin 13 mlrd teńgeni ıgerý kerek.
«Nurly jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasy sheńberinde 17 jobany iske asyrý kózdelgen, sonyń ishinde kólik salasynda 16 joba: avtomobıl joldary salasynda – 11, temir jol salasynda – 2 joba, sý sharýashylyǵy, azamattyq avıasııa jáne logıstıka salasynda – 1 jobadan, sondaı-aq kredıttik qurǵyn úı jáne úlestik salymdardy qorǵaý máseleleri boıynsha – 1 joba.
«Nurly jol» sheńberinde osy jobalardy iske asyrýǵa 2016 jyly 349,8 mlrd teńge bólingen, sonyń ishinde – Ulttyq qordan 171,3 mlrd teńge bólingen. 47 % - 165,9 mlrd teńge ıgerilgen, sonyń ishinde UQ - 73 mlrd teńge (43%), 183,9 mlrd teńgeni ıgerý qajet, sonyń ishinde UQ-dan – 98,3 mlrd teńge.