Sırııada qaqtyǵysyp jatqan qos tarap eldiń aýmaǵyndaǵy atystardy toqtatý týraly kelisimge kelip, beıbit kelissózder jasasýǵa daıyn, dep málimdedi RF prezıdenti Vladımır Pýtın. Bul týraly RIA Novostıge silteme jasap QazAqparat habarlaıdy.
«Búgin, birneshe saǵat buryn, barlyǵymyz uzaq kútken jáne sol úshin kóp jumystar atqarǵan oqıǵa oryn aldy» degen habarlama qazir keldi. Úsh qujatqa qol qoıyldy. Birinshi qujat - sırııalyq úkimet pen qarýly oppozısııanyń arasynda Sırııa-Arab respýblıkasynyń aýmaǵyndaǵy atystardyń toqtatylýy týraly. Ekinshi qujat - atysty toqtatý rejimin qadaǵalaý boıynsha sharalar kesheni. Úshinshi qujat - sırııalyq rettelý boıynsha beıbit kelissózderdi bastaýǵa daıyn ekendikteri týraly málimdeme», - dedi Pýtın SIM jáne Qorǵanys mınıstrliginiń basshylarymen kezdesý barysynda.