Keshe Parlament Senatynyń Tóraǵasy Qaırat Mámıdiń tóraǵalyq etýimen Táýelsizdiktiń 20 jyldyǵy deklarasııasynyń jobasyn ázirleý jónindegi Jumys tobynyń alǵashqy otyrysy boldy, dep habarlady Parlament Senatynyń baspasóz qyzmeti.
Tórtinshi saılanǵan Parlamenttiń besinshi sessııasynyń ashylýynda Prezıdent N.Nazarbaev joǵary ókildi organ basshylyǵy men depýtattardyń Deklarasııa qabyldaý týraly bastamasyna qoldaý bildirgen bolatyn. Memleket basshysy «Deklarasııa bizdiń qoǵamymyzdy biriktiretin jańa mańyzdy qujat bolatynyna senemin», degen edi.
Q.Mámıdiń aıtýynsha, «zamandastarymyz ben keleshek urpaqqa arnalǵan bul saıası-quqyqtyq saltanatty qujatta bizdiń memleketimizdiń odan ári órkendeýi úshin berik negiz bolatyn Qazaqstannyń basty jetistikteri kórsetiletin bolady».
Jumys tobynyń otyrysy barysynda onyń quramyna Senat depýtattary A.Sýdın, Á.Ahmetov, B.Muhamedjanov, A.Bıjanov, A.Bashmakov jáne J.Erǵalıev endi.