Aqtóbede áıelder men balalarǵa daǵdarys ortalyǵy ashyldy

Aqtóbede áıelder men balalarǵa arnalǵan daǵdarys ortalyǵy ashyldy. Jobany «Aq-Rýno» JShS memelekettik-jeke seriktestik aıasynda júzege asyrdy. Bul maqsatqa Qamqorshylyq keńes ókilderi men mesenat Asqarbek Mamyrbaev 300 mıllıon teńge bóldi. Aýmaǵy 2980 sharshy metr bolatyn úsh qabatty úıdiń qurylysy 2016 jyldyń qazan aıynda aıaqtalǵan bolatyn, dep habarlady Oblys ákiminiń baspasóz qyzmeti.

« О́kinishke qaraı, ómir bolǵan soń, adamdardyń basynda ár túrli qıyn jaǵdaılar bolyp qalady. Sondyqtan biz óz tarapymyzdan olarǵa qol ushyn sozýymyz kerek. Qazirgi tańda Qazaqstanda osyndaı 17 ortalyq jumys jasaıdy. Biraq, Aqtóbede joq bolatyn. Biz bul máseleni memlekettik jeke seriktestiktiń kómegimen sheshtik. Atalmysh daǵdarys ortalyq - Qazaqstandaǵy eń irisi bolyp sanalady jáne munda bir ýaqytta 200-ge tarta adam qabyldaýǵa bolady. Jobany júzege asyrý úshin kompanııa 300 mln teńge bóldi»,-dedi Berdibek Saparbaev JShS basshylyǵyna mańyzdy máseleni sheshkenderi úshin alǵysyn bildirdi. Ortalyqta psıholog, áleýmettanýshy, zańger, eńbek nusqaýshysy sııaqty 60 qyzmetkeri bar áleýmettik-psıhologııalyq bólim jumys jasamaq. Stasıonarlyq baspanaǵa kelgen áıelder óz máselelerin sheship almaıynsha 1-6 aı kóleminde tura alady. Psıhıkalyq-fızıkalyq zorlyqqa tap bolǵan, jaqyndarynan aırylǵan áıelder, múgedekter, jalǵyz basty jáne kámelettik jasqa tolmaǵan balalary bar analar, úıi órtke oranǵan otbasylar, balalar úıi men mektep-ınternattarynyń túlekteri, qıyn jaǵdaıǵa tap bolǵan jasóspirim qyzdar jáne t.b. osy jerden pana tabady. Daǵdarys ortalyǵynyń qyzmetteri tek fızıkalyq jáne emosııalyq qaýipsizdikke zárý jandardy ýaqytsha, jabdyqtalǵan baspanamen qamtamasyz etýge, ata-analyq tıimdilikti qalyptastyrýǵa, sana-sezimdi, óz ózin baǵalaýǵa, psıhologııalyq-emosııalyq salany túzetýge baǵyttalyp qana qoımaı, sonymen qatar táýelsiz jáne óz betinshe ómir súrýge qalyptastyrady.