«Eır Astana» ýnıversıada alaýyn Almatyǵa jetkizedi

Ýnıversıada alaýy

Qazaqstannyń 14 óńirinde jaǵylǵan 2017 jylǵy 28-shi Dúnıejúzilik Qysqy Ýnıver­sıadanyń alaýy 25-29 qańtar­da Almatyǵa jetkiziledi, onda ákelingen barlyq alaýlar oıyn­dardyń saltanatty ashylý rási­mi kezinde Ýnıversıadanyń úlken bir Alaýyna biriktiriledi. Alaý­lar qaýipsiz shahterlik Devı lampalarymen tasymal­da­nady, olardy tehnıkalyq mamandar men óńirlik JOO-nyń úzdik stýdentteri alyp júredi. Jarystar Qazaqstannyń ońtústik astanasynda 2017 jylǵy 29 qańtardan 8 aqpanǵa deıin ótedi. Qysqy Ýnıversıadanyń baǵdarlamasyna sporttyń 12 túri kirdi. Jarystarǵa 2 myńǵa jýyq sportshy qatysady dep kútilýde. Elimizdegi eń iri «Eır Astana» áýe kompanııasy ulttyq tasymaldaýshy retinde 2017 jylǵy Almatydaǵy 28-shi Bú­kilálemdik qysqy Ýnıversıadanyń uıym­dastyrý komıtetimen yntymaq­tas­tyq jóninde kelisimshart jasasty. «Eır Astana» AQ prezıdenti Pıter Fos­ter jáne 2017 jylǵy Ýnıversıada dırek­sııasynyń basshysy Naıl Nýrov qu­jatqa qol qoıyp, sonyń negizinde atal­ǵan qazaqstandyq áýe kompanııasy Qys­qy oıyn­dardyń demeýshisi atanyp, Ýnı­ver­sıadanyń resmı seriktesi dep tanyldy. Kelisimshart negizinde, «Eır Astana» jergilikti jáne halyq­aralyq áýe reıs­terine sport­shylar men dıreksııanyń resmı ókilderine aıtarlyqtaı jeńildikter jasaıdy. Estafeta alaýyn Astanadan ózge 15 óńir men Almaty qalasyna tasymaldaýmen aınalysatyn bolady. Jáne de aqysyz túrde dıreksııa shara­laryn óz kommýnıkasııalyq tetik­teri arqyly nasıhattaıdy. – Qysqy Ýnıversıadany uıym­­das­tyrýǵa kómektesýge múm­ki­ndik alǵanymyz bizdi qa­nat­­­tandyryp, jigerimizge kúsh qos­ty, – dep atap ótti «Eır Astana» áýe kom­panııasynyń pre­­­zı­denti Pıter Foster. – Sport saıystary­nyń eń ma­ńyz­­dysy Almatyda ótip jat­qany álem­ge Qazaqstannyń zor múmkindigi men áleýetin kór­setip, eldiń tanymaldyǵy men týrıstik múmkindikterin odan ári arttyrýǵa yqpal etedi. «Eır Astana» atalǵan sharaǵa qoldaý kórsetýdi úlken mártebe dep sanaıdy. – Búgingi tańda «Eır Astana» áýe kompanııasy álemdegi eń úzdik kompanııalardyń biri bolyp tabylady. Bizderge, Oıyn­dardy uıymdastyrý komıteti úshin «Eır Astanamen» ynty­maq­tastyq ornatý, Ýnıver­sıada­ny sátti ótkizý berik senim qalyptastyratyny talassyz, – dedi 2017 jylǵy qysqy Ýnıver­sıada dıreksııasynyń basshysy Naıl Nýrov. Atap aıtarlyǵy, 28-shi Búkilálemdik qysqy Ýnıversıada 2017 jyldyń 29 qańtary men 8 aqpany aralyǵynda Almatyda ótedi. Qysqy Ýnıver­sıada baǵdarlamasyna máner­lep syrǵanaý, short-trek, taý shańǵysy, snoýbord, bıatlon, shańǵymen jarysý, shaıbaly hokkeı (áıelder men erler arasyndaǵy), kerlıng, shańǵymen tramplınnen sekirý, shańǵy qossaıysy, konkımen júgirý, frıstaıl sekildi 12 sport túri kirgen. Jarystarǵa 2 myńǵa jýyq sportshy qatysady dep kútilýde. Ýnıversıada ótki­zi­l­etin ýaqytta 3 myń erikti, onyń ishinde sheteldik eriktiler atsalysady. Stýdentter arasyn­daǵy sport oıyndaryna birneshe myń otandyq jáne sheteldik týrıst keledi dep boljanýda. Saıystardy álemniń 80 elindegi 1 mıllıard adam teledıdar ar­qyly tamashalap, qaıtalanbas keremet oıyndardyń kýási bolmaq. «Eır Astana» 2002 jyl­dyń 15 mamyrynan beri ushy­rylymdy júzege asyryp keledi, búginde Batysta shyǵarylǵan 30 ushaqtan turatyn Boeing 767-300ER, Boeing 757-200, Airbus A320 ı Embraer E190 áýe kemelerine arnalǵan parki bar. Kompanııanyń mar­shrýttyq jelisi 60-tan astam halyq­aralyq, óńirlik baǵytty qamtıdy. «Eır Astana» TMD jáne Shyǵys Eýropa áýe kompanııalary arasynda Skytrax World Airline Awards 2012 bedeldi júldeniń 4 juldyzyna birinshi bolyp, laıyqty atandy. Jáne de Ortalyq Azııa men Úndistandaǵy eń úzdik áýe kompanııasy bolyp tanyldy. Qos júlde, 2013, 2014, 2015 jáne 2016 jyldary rastaldy. Osyndaı joǵary kórsetkishter men bıik deńgeıge jetip júrgen kompanııanyń júktelgen jaýapty mindetti abyroımen atqaryp shyǵatyndyǵyna senim mol. Aınash ESALI, «Egemen Qazaqstan»