Adymy arshyndy Atyraý

8-9 qyrkúıekte Astanada Atyraý oblysynyń kúnderi ótedi  

О́rkendi ózgerister jalǵasa beredi

Oblys ákimi Bergeı RYSQALIEVPEN áńgime – Bergeı Sáýlebaıuly, Táý­elsizdik shejiresinde Aty­raý oblysy nesimen erekshelenedi dep oılaısyz? – Elbasy táýelsizdiktiń al­ǵash­qy jyldarynan bastap mu­naıly óńir ekonomıkasynyń ór­kendeýine, osy óńirdi mekendegen halyqtyń áleýmettik ahýa­lynyń kóterilýine basa nazar aýdardy. Sonyń dáleli, elimizge alǵash bet burǵan “Shevron” korporasııasynyń ınvestısııa­syn Atyraýǵa baǵyttady. Bul ınvestor “Teńiz” kenishin ıgerýge aýqymdy ınvestısııa sa­lyp, kómirsýtekti shıkizatty ón­dirý kólemin ulǵaıtyp keledi. Osy kenishti ıgerý maqsa­tyn­da qurylǵan «Teńizshev­r­oıl­dyń» ózi-aq birinshi býyn jáne ekinshi býyn zaýyttary jobalaryn júzege asyrýǵa 48 mlrd. AQSh dollary kóleminde ınvestısııa saldy. Táýelsiz Qa­zaqstan ekonomıkasynyń al­ǵashqy qarlyǵashtarynyń biri bolǵan bul kásiporyn munaı-gaz ónerkásibi sektorynda kósh­basshy baǵytyn ustanyp keledi. Jalpy, Atyraýda Elba­sy­nyń óz ıdeıasymen ári uıytqy bolýymen iske asyrylyp jat­qan halyqaralyq mańyzǵa ıe jobalar jetkilikti. Sonyń biri – “Teńiz” kenishiniń munaıyn Qara teńiz jaǵalaýyndaǵy ter­mı­nalǵa jetkizetin tóte qubyr jolynyń iske qosylýy. Sodan soń Kaspıı qaırańyndaǵy ken alańdarynyń barlanyp, mol munaı qorynyń tabylýy der edim. “Teńiz”, “Qashaǵan” sekildi alyp kenishter qazaq eliniń táýelsizdik alýyn kútip jat­qan­daı áser qaldyrdy. Tu­tas­taı alǵanda, oblys ekono­mı­kasynyń jetekshi býyny – ónerkásip salasynda 20 jylda 130 óndiris ashylyp, olarda 30 myń jumys orny quryldy. 1991 jyly oblystaǵy óner­ká­siptik kásiporyndar 3 mln. teń­geniń ónimin shyǵarsa, 2010 jyly 3 trln. 119 mlrd.teńgege baǵalanǵan ónimder óndirildi. Bıylǵy birinshi jarty­jyl­dyq­ta ónerkásip ónimderiniń kólemi 2 trıllıon teńgeden asty. Árıne, mádenı, rýhanı salada da úlken ózgerister bol­dy. Aldymen aıtarym, bala kezinde quldyqqa satylyp, keıinnen 17 jyl boıy Mysyr elinde sultan bolǵan Beıbarys babanyń elimizge dana bolyp oralǵany barshany qýantty. Qa­zaq dalasynyń bir túp jý­sanyn qumarlana bir ıiskeýdi ańsap ótken bahadúr sultan Beıbarystyń, kúı óneriniń dúl­dúlderi Qurmanǵazy men Dınanyń eńseli eskertkishteri Atyraýdyń qaq ortasynda boı kóterdi. Uly Jibek jolynyń boıyndaǵy saýda-sattyq qala­sy ǵana emes, qazaq dala­syn­daǵy eń sáýletti shahar bolýy­men erekshelengen Saraıshyq­tyń qaıta jańǵyrtylyp, ar­heo­logııalyq qazba jumys­ta­ry­nyń júrgizilýi, on bir jyl buryn Jylyoı aýda­nyn­­­daǵy “Araltóbe” qorǵanynan tabylǵan “Altyn adam”, Qyzylqoǵa aýdanyndaǵy “Qorǵansha” qorǵanynda ǵasyrlar boıy kómilip jatqan “Al­tyn áıel” – osynyń bári Táýelsizdik shejiresine qosylǵan qundy derek, ólsheýsiz úles deı alamyn. Táýel­siz­dik­tiń arqasynda bizdiń aýyldarymyz órkendedi. Oblys ortalyǵynan alys­taǵy Qyzylqoǵa aýdanyna tabıǵı gaz je­lisi tartyldy. О́zge aýdandarǵa aýyz sý qubyry, gaz jelileri jetip, jol­dar salyndy. Jáne bir basty erek­shelik, Atyraý oblysy is qaǵaz­da­ryn memlekettik tilde júrgizýge al­ǵashqylardyń qatarynda kóshti. – Elbasy Joldaýynda Qazaq­stan­dy álemdegi básekege barynsha qabiletti 50 eldiń qataryna qosý stra­tegııasyn usyndy. Osyǵan baı­la­nysty Úkimet ındýstrııalyq-ın­no­vasııalyq damý baǵdarlamasyn júzege asyrýdy qolǵa aldy. Bul baǵytta Atyraýda qandaı ınves­tısııalyq jobalar bar? – Munaıly óńirimizdegi tabıǵı baı­lyqtardyń qory orasan mol. Ási­rese, Inder aýdanyndaǵy paıdaly qaz­balar qorynyń moldyǵy ınvestorlar­dyń qyzyǵýshylyǵyn arttyrdy. Bul aýdandaǵy bor keniniń barlanǵan qory 95,6 mıllıon tonna, gıps – 21 mıllıard tonna, al “Kóktaý” kenishindegi ák­tas 1,9 mıllıon tekshe metrdi qu­raı­dy. Budan ózge Inderde as tuzy, kalıı sekildi mıneraldy qorlardy el ıgiligine jaratýǵa árıne, kóp mólsherdegi ınvestısııa qajet. Osy aýdan aýma­ǵynda “ISI Gıps Inder” JShS-niń gıpsokarton shyǵaratyn osy zamanǵy tehnologııamen jabdyqtalǵan zaýyty jumys isteıdi. Jylyna 4,0 mıllıon tekshe metr ónim shyǵaratyn zaýyttyń 1,1 mıllıard teńgege baǵalanǵan qo­symsha jelisi iske qosyldy. О́ıtkeni, atalǵan zaýyttyń ónimine Qazaqstanda jáne TMD elderi rynogynda suranys arta túsýde. Qazir oblysta mashına jasaý, qu­rylys ındýstrııasy, hımııa óner­kási­bi, mıneraldy tyńaıtqyshtar, rezına ónimderi jáne plastmassa óndirý sııaq­ty shıkizattyq emes salalar ke­ńinen damýda. 2010-2014 jyldarǵa ar­nalǵan údemeli ındýstrııalyq-ınno­va­sııalyq damý jónindegi memlekettik baǵdarlamanyń bekitilýi damýdyń jańa baǵytyn aıqyndady. Baǵdarlama sheńberinde oblysta 2010 jyly jal­py quny 32 mlrd. teńge 7 ınves­tı­sııalyq joba iske asyrylyp, 636 ju­mys orny paıda boldy. Al bıylǵy jyly quny 11,5 mlrd. teńgeni quraı­tyn 12 ınvestısııalyq jobany iske asy­rý josparlanǵan. Olarda 1018 ju­mys oryn ashylady. Búgingi kúni 4 joba iske asyryldy. 2003 jyldan beri ındýstrııalyq-ınnovasııalyq damý stra­tegııasy iske asyrylýda. Onyń aıa­syn­da 120 jańa óndiris ashylyp, 5000-nan astam jumys orny quryldy. Aty­raý­da buryn-sońdy bolmaǵan gıpsokarton, gıpsbloktar, qurǵaq qospalar, polıetılen qubyrlary, jıhaz, bir rettik shprıster shyǵarý sııaqty tyń óndirister quryldy. Aımaqtaǵy munaı-gaz qorynyń mol­dyǵy munaı hımııasy ónerkásibin jedel órkendetýdi alǵa tartady. Má­se­len, Kaspııdiń qazaqstandyq sek­to­ry ıgerile bastaǵanda elimizde munaı óndirý kólemi 100 mıllıon tonnaǵa, gaz – 63 mıllıard tekshe metrge jetpek. Bul aımaqtaǵy munaı-gaz óner­ká­si­bine eńbekke tartylatyn mamandar qataryn 25 myń adamǵa kóbeıtedi. 2015 jylǵa qaraı óndirilgen gazdyń 23 mıllıard tekshe metri ishki tutyný rynogynda qalady. Mine, osyǵan sáıkes Atyraýda munaı-hımııa kesheni qurylysyn salý bastaldy. Qurylysy 2016 jyly aıaqtalatyny jospar­lan­ǵan, quny 6,3 mlrd. AQSh dollaryna baǵalanǵan bul joba jylyna 800 myń tonna polıetılen jáne 450 myń tonna polıpropılen shyǵarýǵa negizdelgen. Shıkizat «Teńiz» ken ornynan aly­nady. Bul zaýyt álemdegi osy zamanǵy eń ozyq tehnologııamen jabdyqtalyp, polıetılen jáne polıpropılen ónim­de­rin shyǵarady. “Teńizshevroıl” birlesken kásiporny jańa jobany, úshin­shi býyn zaýytynyń qurylysyn bas­tamaq. “Adjıp” kompanııasy da jańa zaýyt qurylysyn aıaqtaǵaly otyr. Bul kompanııa buǵan deıin jańa vah­talyq kent qurylysyn aıaqtady. Jalpy, aımaqta ekonomıkalyq da­mý­dyń qazirgi qajettiligi – qurylys ın­dýstrııasyn jáne qurylys mate­rıal­daryn óndirýdi damytý. Oblysta «Qu­rylys materıaldaryn, buıymda­ryn jáne konstrýksııalaryn damy­tý­dyń 2005-2014 jyldarǵa arnalǵan baǵ­darlamasy» júzege asýda. 2005 jyldan beri baǵdarlama sheńberinde 25 jańa óndiris qatarǵa qosylyp, 700 jumys orny ashyldy. О́ńirdegi 12 ınvestısııalyq jobanyń 6-y qurylys ındýstrııasy salasyn órkendetýge ba­ǵyttalǵan. Atap aıtqanda, 2009 jyly Inder aýdanynda jylyna 3,5 mln. dana gıps bloktaryn shyǵaratyn zaýyt iske qosylyp, 40 jańa jumys orny ashyl­dy. Byltyr turǵyn úı qury­ly­syna qajetti jeńil panelder shyǵa­ra­tyn zaýyt iske qosyldy. Bul – qo­sym­sha 42 jumys orny. Tutastaı al­ǵan­da, atalmysh baǵdarlama sheń­be­rinde 30-dan astam joba iske asy­ry­lyp, 5000-nan astam jumys orny qurylady dep kútilýde. – О́ńirdiń mádenı salasyn da­my­tý baǵytynda nendeı is tyndy­ryl­dy? – Táýelsizdik alǵannan bergi 20 jyl ishinde tól tarıhymyzǵa, máde­nıe­timizge qatysty tyń jobalar qolǵa alynyp jatyr. Sonyń ishinde Memleket basshysynyń Jarlyǵymen bekitilgen “Mádenı mura” baǵdarlama­sy­nyń máni de, mańyzy da aıryqsha. О́ıt­keni, ótkenimizdi saralap, keler urpaqqa mıras bolarlyq mádenı mu­ra­larymyzdy túgendeý ýaqyt ótkizýdi kútpeıdi. Elbasynyń osynaý memlekettik baǵdarlamany qabyldaýynyń astarynan osyny uǵynýǵa bolady. Bul óńirde el tarıhyna, máde­nıe­ti­ne qosylar qundy mura retinde ta­by­lyp jatqan jádigerler kóp. Qy­zyl­qoǵa aýdany aýmaǵyndaǵy “Qor­ǵan­sha” qorǵanynan altyn áshekeıli áıeldiń tabylǵany eldi eleń etkizdi. Osy salany damytý sheńberinde kóp­tegen jumystar atqaryldy. О́ńirdegi tarıhı-mádenı muralardyń ornalasý kartasy jasaldy. HIH ǵasyrda salyn­ǵan Juban mazaryna, aýzy dýaly aqyn Murat Móńkeulynyń kesenesine jón­deý jumystary júrgizildi. Halyq ara­synda qazaqtyń kóne muralary áli de saqtalǵan. Oblystyq tarıhı-ólke­taný murajaıynyń ǵylymı qyzmet­ker­leri kúı, aıtys, terme, jyraýlyq, halyq áýenderi ónerin, ulttyq salt-dástúrlerimizge qatysty eskilikti já­digerlerdi jınaqtaý maqsatymen aýdan­darǵa jıi shyǵyp turady. Sonymen qatar, alashtyń ardaq­ty­syna aınalǵan aqyn Jumeken Náji­me­denovtiń shyǵarmalary shetel tilderine aýdaryldy. Aqynnyń 75 jyldyq mereıtoıy atalyp ótti. О́ńir aýma­ǵyn­daǵy erekshe qorǵaýǵa jatatyn tarı­hı-mádenı eskertkishter týraly “Kóne dúnıe kúmbiri” atty úsh tilde býklet shyǵaryldy. Bıyl oraq tildi aqyn Shernııaz Jarylǵasulyna kesene sa­ly­nyp, shyǵarmalary keńinen nası­hat­taldy. Ǵasyrlar boıy tylsym ta­rıhy jumbaq kúıde jatqan Saraıshyq qalasynyń ornyndaǵy arheologııalyq qazba jumystary jalǵasyn tapty. Ekonomıkany, basqa da salalardy da­myta otyryp, óńir turǵyndarynyń rýhanı damýyna oń yqpalyn tıgizetin mádenı salany da eshqashan nazardan tys qaldyrǵan joqpyz. Mádenıet sa­lasynda 1991-2010 jyldary 24 jańa nysan salyndy. Atyraý qalasynda eń ozyq úlgimen jobalanǵan, eýropalyq talapqa saı keletin, sáýletti, búgingi dáýirge sáıkes keletin murajaıy, kór­me zaldary, mádenı, oıyn-saýyq kesheni bar 1200 oryndyq kınokonserttik zal qurylysy júrgizilýde.  – О́ńir ekonomıkasyna ınvestısııa salý men kásipkerliktiń damý barysy qalaı? – Atyraýdyń ınvestısııalyq qo­laı­ly aımaqqa aınalǵany jasyryn emes. Investısııa tartýda oblysymyz res­pýblıkada kóshbasshylyq oryn­da. Naqtylaı aıtqanda, oblys ekono­mı­kasyna 2010 jyly 1 trln. 105 mlrd. teńge ınvestısııa tartyldy. Bul otan­dyq ekonomıkaǵa ınvestısııa salýda respýblıkalyq kórsetkishtiń 25%-yn qurap otyr. Salystyrmaly túrde aıtar bolsaq, 1991 jyly 2,4 mlrd. teńge ınvestısııa salynǵanyn eskersek, sodan bergi kezeńde bul baǵytta eko­no­mıkanyń ár salasyna quıylǵan ın­ves­tısııalyq qarjynyń kólemi 460 esege artty. О́ńirde negizgi kapıtalǵa salynǵan qarjynyń basym bóligi shetel ınves­tı­sııasynyń úlesine tıedi. О́ıtkeni, bizdiń oblys AQSh, Ulybrıtanııa, Ita­lııa, Fransııa, Reseı sekildi álem­niń eń iri 56 elimen ekonomıkanyń ár salasynda yntymaqtastyq ornatty. Oblysta sheteldik jáne solarmen birlesken 500-ge jýyq kásiporyn jumys isteıdi. Munaıly óńirde ekonomıkanyń barlyq salalarymen qatar, shaǵyn jáne orta bıznestiń de qanaty qataı­yp, áleýetti ekonomıkalyq kúshke aınaldy. Qazir oblysta osy salamen aınalysatyn shaǵyn jáne orta bıznes sýbektileriniń sany 25 myń birlikten asty. Shaǵyn jáne orta kásipkerlik salasynda jumyspen qamtylǵandar sany 2000 jylǵy 18 myń 300 adamdy qurasa, 2010 jyly 81 myń 500 adamǵa jetti. Kásipkerler shyǵaratyn ónim­der men kórsetetin qyzmetterdiń kó­le­mi 2000 jyly 7 mlrd. teńgeni qu­raıtyn. Al 2010 jyly 465 mlrd. 434 mln.teńgeni qurady, nemese 66 esege ósti. Elbasynyń Joldaýynan bastama alǵan «Bıznestiń jol kartasy-2020» baǵ­darlamasy kásipkerlikti damytý­dyń asa mańyzdy kezeńi bolyp, jańa múmkindikter ashyp berdi. Qoryta aıtqanda, osy kezeńge deıin óńir ekonomıkasy jańa beleske kóterildi. Halyqtyń turmysyn jaqsartýǵa baǵyttalǵan sol órkendi ózgerister jalǵasyn taba beredi.   Sý ústinde «Suńqar» tur Bul – shyndyq. «Suńqardyń» aıdyn tósine «qonaqtaǵanyna» 12 jyldan asyp barady. «Suńqar» – táýelsiz Qazaqstannyń tuńǵysh júzbeli burǵylaý barjasy. Kaspııdiń qazaqstandyq sektoryndaǵy «qara altynnyń» mol qoryna aldymen dál osy «Suńqardyń» burǵysy salyndy. Qazaq suńqardy qustyń tóresine balaıdy. Osy turǵydan aıtqanda, júz­beli burǵylaý barjasynyń ataýy taýyp qoıylǵan. Basqasha atal­sa, olqy so­ǵyp tu­rar edi. «Suńqar» As­trahanda toǵyz aıdaı quras­tyryldy. O basta shetelde de aıdyn tereńine burǵy boı­latqan, degen edi budan 12 jyl buryn OKIOK kompanııasynyń bas menedjeri bolǵan Kıt Dal­lard myr­za. Onyń aıtqanyna qa­raǵanda, «Suńqardy» qurastyrý jó­nindegi tenderde reseılik «Astrahanskıı korabl» aksıonerlik qo­ǵamy­na tańdaý tekke túspegen. Munyń birneshe sebebi bar. Birinshiden, alys shetelden góri Qazaqstanmen irgeles jatqan, onyń ústine Kaspıı jaǵalaýynda Aty­raý­men qońsy otyrǵan Astrahanda qu­rastyrý shyǵyny áldeqaıda az bo­la­dy. Ekinshiden, júzbeli barjany al­ǵash burǵy salynatyn «Shyǵys Qa­sha­ǵan» ken ornyna jetkizý de asa kóp qıyndyq týdyrmaıdy. «Suńqardy» qurastyrý barysymen tanysý úshin Astrahandaǵy «Sýdo­re­mont­nyı» zaýytynda áldeneshe ret bo­lýdyń sáti tústi. Sol kezde OKIOK kom­panııasynyń mamandary «Suń­qardyń» tolyq «minezdemesimen» ta­nys­tyrǵan bolatyn. Sol «minezdemeden» az-kem syr tarqatsaq, júzbeli bar­­janyń uzyndyǵy – 85, eni 53 metr­di quraıdy. Al bıiktigi burǵylaý munarasymen qosa eseptegende 50 metr­den asady. Munaı alý qamymen ju­mys jasaıtyn mamandarǵa arnalǵan 96 oryndyq qonaq úıge bergisiz jataq­hanasy bar. Tikushaq qonatyn arnaıy alańyn jáne qosyńyz. Platfor­ma­sy­nyń salmaǵy 10 myń tonnadaı, beınelep aıtqanda, 6 qabatty úıdiń bıiktigindeı «Suńqardy» teńiz tósindegi óz tuǵyryna jetkizý qıynǵa soqqan joq. «Suńqardyń» burǵysymen «Shy­ǵys Qashaǵan» ken ornyndaǵy alǵash­qy uńǵymany burǵylaý 1999 jylǵy 12 tamyzda bastaldy. Bir jylǵa jetpeıtin merzimde munda 150-deı adam jumys jasady. Onyń ishinde qa­zaqstandyq 57 maman «Shyǵys Qasha­ǵa­nnan» mol baılyqtyń tabylýyna, sóıtip, Táýelsiz Qazaqstannyń álem­degi munaıy kóp elderdiń qataryna qo­sylýyna atsalysty. Mine, sóıtip, aıdyn tósine «qonaqtaǵan» «Suńqardyń» burǵysy bir jyldyń ishinde teńiz tereńinde tunǵan baılyqtyń dál ústinen tústi. Osydan keıin ony táýelsizdik shejiresindegi tuńǵysh ári qutty júzbeli burǵylaý barjasy demeske bola ma!   Eldik pen órliktiń saltanaty Esen TASQYNBAEV,  Atyraý oblysynyń qurmetti azamaty. Qazaq halqynyń azattyǵy jolynda ereý­il atqa er salyp, eńký-eńký jer shalǵan Mahambet batyrdyń qundy murasy – adýyndy jyr­lary. Aldaspan aqynnyń jyrlary – ulttyń rýhyn kó­te­retin, namysyn qaıraıtyn jáne bul eshqashan qaıta­lan­baıtyn jyr. Muny Aty­raý­dyń qaq ortasynda boı kóte­r­gen “Isataı-Mahambet” tarıhı keshenindegi jebe tektes tastarǵa qashalyp jazylǵan jyr joldaryn oqyǵan ár adam uǵady. Mundaı otty jyr­lary bar Mahambet ba­baǵa qoıylǵan eskertkishti Táýelsizdiktiń jemisi deımiz. Elimiz táýelsizdik almastan buryn qaı batyrdyń, qaı dananyń mereıtoıy toıla­nyp edi. Táýelsizdiktiń jemisi deıtinimiz sol, qazaqtyń Abaı­daı danagóıi, Muhtar men Sá­bıtteı, Ǵabıtteı zańǵar ja­zýshylary, Jambyldaı jyr alyby, Mahambetteı kúres­ke­ri bar ekenin barsha álem bildi. Týyndylarymen ta­nys­ty. Abaıdyń fılo­so­fııalyq, Mahambettiń órshil jyr­laryn oqyp, qazaqtyń qaısar minezin tanydy. IýNESKO deń­geı­in­de toılanǵan Ma­ham­bettiń 200 jyl­dyq mereıtoıy shy­nynda da eldik pen erliktiń, órliktiń saltanatyndaı bo­lyp ótti. Mereıtoı sal­ta­na­tyna kelgende El­basymyz Nursul­tan Nazarbaev batyr esimimen atalatyn Mahambet aýdanyn­daǵy sharalarǵa avtokólikpen baryp, jańa joldyń sapasyn kózben kórgeni kópshilikke úlken oı tastady. Keıbir sheneýnikterdeı shirenbeı, qara­paıym halyq sekildi kólik­pen 70 shaqyrymdaı jol jú­rýi Elbasynyń qarapaıym­dy­lyǵyn kórsetse kerek. Tarı­hy­myzdy jańǵyrtyp, mádenı muralarymyzdy tú­gen­deýge de ýaqyt bólip, Beıbarys sul­tan­nyń ómirderegin izdestirip, týǵan jerine dana bop oralýyna, Damaskidegi meshitin qaıta jańǵyrtýǵa da uıyt­qy bolǵan Elbasy Nur­sultan Nazarbaev «Munyń bárine Táýelsizdiktiń arqa­synda qol jetkizdik», dep oryn­dy aıtyp júr. Táýelsizdiktiń qadiri árqaı­sy­myz úshin qymbat. Mem­le­kettiń irgesin nyqtap, álemge tanylýymyzǵa Táýelsizdik jeli bolyp tartyldy emes pe!  

Táýelsizdikpen birge eseıdik

Meıirim QALAÝI, «Nur Otan» HDP «Jas Otan» jastar qanaty Atyraý oblystyq fılıalynyń atqarýshy hatshysy. 1997 jyly Memleket basshysynyń uzaq merzimdi 2030 jylǵa deıingi damý strategııasy jarııa bol­­ǵan­nan keıin, shyn máninde, el sol baǵdarlamanyń shynaıy damý­ǵa betburys bolǵanyn sezindi. О́ıtkeni, el-jurt ósýge, órke­nıet­ke qadam basty. Úshinshi myń­jyl­dyqtyń bas kezinde Qazaq memleketindegi renessans dáýi­ri keleshekte eldiń qalaı bola­ry­na úmitti úkiledi. Qazaq mem­leket­tili­gi­niń qa­lyp­tasýyna jurt­tyń senimi nyǵaıyp, tek As­tana men Alma­tyda ǵana emes, óńir­lerde de ósý men ór­leý qarqyn ala bastady. Ony munaı merı­dıany ótip jatqan ólke – Atyraý jaqsy sezindi. Qa­zaq munaıynyń shyǵa basta­ǵa­nyna 100 jyl tolý toıyn kór­­­gende, meniń zaman­das­ta­rym «ádettegideı qora-qop­sy­ny úı­den aýlaq salý tú­rin­de emes, ósý­diń osyndaı da jarqyn kó­rinisteri bar ekenine» kóz jetkizdi. Ilgeridegi jaqsy ómirge umtylýdy biz osy jyl­dar­dan bastadyq. Oblysta­ǵy eń shalǵaı jat­qan Súıin­dik pen Bal­qu­dyqtan basqa óńir­ler­ge tú­gel­deı gaz jet­ti. Bir kezde «Res­­pýb­lı­kadaǵy sha­rýa­­shyly­ǵy eń art­­ta qal­ǵan 31 aýdan­nyń biri» degen jaman attan aryla al­ma­ǵan Qyzylqoǵanyń ár úıinde alaýlap gaz janyp tur. Taı­soı­ǵan­nyń tórindegi mal­shy­lar uıaly telefonmen sóı­lesip, maldy «Djıpke» minip baǵatyn bol­dy. Bul baqyt emeı nemene?! Biz jańa, táýelsizdikpen bir­ge eseıdik, Qazaqstannyń ór­leýi men damýynyń kýá­ger­le­rimiz. Túptep kelgende, bul – Elbasy, Ult kóshbasshysy Nur­sultan Nazarbaevtyń sarabdal saıasa­tynyń, kóre­gen de kósem ke­meńgerliginiń je­misi. Qalaı qubyltsaq ta, barlyq istiń bas­taýynda turǵan bir adam, sol adamnyń ǵana baǵ­darlaýy ekenin eshqashan ja­syrmaýymyz kerek. Myńjyl­dyqtar toǵy­syn­da turalap qalǵan Qazaq­stan­daı memleketti «tórt aıa­ǵynan tik tur­ǵyzǵan» Nazarbaevtaı tulǵa, odan artyq qaı­ratker ár dáýirde týsa – týar! Biraq bizdiń kezeńimizde qaıta­lan­baıtynyna shúbá joq.

Bettiń materıaldaryn daıyndaǵan «Egemen Qazaqstannyń»

Atyraý oblysyndaǵy menshikti tilshisi Joldasbek ShО́PEǴUL.