Ońtústik Qazaqstan oblysynyń ákimi Janseıit Túımebaev «Nur Otan» partııasynyń aýdandyq fılıal tóraǵalarynyń orynbasarlaryn qabyldady.
Kezdesý barysynda oblys ákimi bastaýysh uıymdardyń jumysyn udaıy jetildirýmen qatar, olardyń qyzmetin uıymdastyrý isin jandandyrýdy tapsyrdy.
«Ońtústik Qazaqstan oblysy – agrarly aımaq. Desek te, osy salanyń damý úderisi kóńil kónshitpeıdi. Aýyl sharýashylyǵy salasyn damytý baǵytynda eńbek etip jatqan kásipkerlerdiń qatary da az bolyp otyr. Sondaı-aq, aýyldy jerlerdegi sharýa qojalyqtaryn birlesken kooperatıvterge biriktirý isin de jandandyrýymyz qajet. Bul baǵyttaǵy jumystardy úılestirýge partııa uıymdary da atsalysýy tıis», – dedi oblystyq fılıal tóraǵasy Janseıit Qanseıituly.
Baqtııar TAIJAN,
«Egemen Qazaqstan»