Ońtústik Qazaqstan oblysynda osy jyldyń cońǵy aıynda ónerkásip kásiporyndary 710,6 mlrd teńgeniń ónimi óndirildi.
Bul ótken jyldyń osy kezeńimen salystyrǵanda 113,8 mlrd teńgege artyq. Oblys respýblıka boıynsha osy kórsetkishimen tórtinshi oryndy ıelendi.
О́ndirilgen ónimderdiń ishinde ken óndirý 208,3 mlrd teńgeniń, óńdeý ónerkásibinde 437,8 mlrd teńgeniń ónimi óndirilse, elektrmen jabdyqtaý, gaz, bý berý jáne aýa baptaý salasynda 52,7 mlrd teńgeniń, al sýmen jabdyqtaý boıynsha 11,8 mlrd teńgeniń ónimi óndirildi.
Sonymen qatar, óńirde Indýstrıalandyrý karta aıasynda jalpy quny 227,9 mlrd teńge bolatyn 150 joba iske qosyldy. Sonyń nátıjesinde 13,2 myń jańa jumys orny ashyldy. Al 2016 jyldyń 11 aıynyń qorytyndysy boıynsha Indýstrıalandyrý kartasyndaǵy jobalarmen 99,5 mlrd teńgeniń ónimi shyǵarylsa, ónerkásiptiń 90 paıyzdan astamy jobalyq qýattylyqty ıgergen.
Baqtııar TAIJAN,
«Egemen Qazaqstan»