Ońtústik Qazaqstan oblysynyń ákimi Janseıit Túımebaevtyń tóraǵalyǵymen 28-shi Búkilálemdik qysqy Ýnıversıadasynyń Shymkentte jaǵylatyn «Alaý estafetasyn» uıymdastyrý jáne ótkizý boıynsha óńirlik shtabtyń májilisi ótti.
Atalǵan sharanyń daıyndyq barysyn dene shynyqtyrý jáne sport basqarmasynyń basshysy Álibek Nurtaev baıandady. Onyń aıtýynsha, Halyqaralyq stýdenttik sport federasııasynyń (FISU) aıasynda ótkiziletin sporttyq saıysqa 17-28 jas aralyǵyndaǵy stýdentter, magıstranttar men túlekter jiberiledi. 2017 jyldyń 29 qańtar men 8 aqpan kúnderi aralyǵynda ótetin 28-shi Dúnıejúzilik Almaty-2017 qysqy Ýnıversıadasyna 2000 sportshy, 3000 erikti, 30 myń sheteldik qonaqtar men týrıster qatysady dep kútilýde.
Baqtııar TAIJAN,
«Egemen Qazaqstan»