2011 jylǵy 27 maýsym, Astana, Úkimet Úıi
Paıdaly qazbalar jatqan alańdarda qurylys salýǵa ruqsat berý qaǵıdasyn bekitý týraly
«Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-babynyń 18) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Paıdaly qazbalar jatqan alańdarda qurylys salýǵa ruqsat berý qaǵıdasy bekitilsin.
2. Mynalardyń kúshi joıyldy dep tanylsyn:
1) «Paıdaly qazbalar ornalasqan alańdarda qurylys salýǵa ruqsat berý erejesin bekitý týraly» Qazaqstan Respýblıkasy Úkimetiniń 1997 jylǵy 27 qańtardaǵy № 109 qaýlysy (Qazaqstan Respýblıkasynyń PÚAJ-y, 1997 j., № 4, 29-qujat);
2) «Qazaqstan Respýblıkasy Úkimetiniń 1997 jylǵy 27 qańtardaǵy № 109 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2009 jylǵy 29 mamyrdaǵy № 800 qaýlysy (Qazaqstan Respýblıkasynyń PÚAJ-y, 2009 j., № 27-28, 247-qujat).
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń
2011 jylǵy 27 maýsymdaǵy № 720 qaýlysymen bekitilgen
Paıdaly qazbalar jatqan alańdarda qurylys salýǵa ruqsat berý qaǵıdasy
1. Jalpy erejeler
1. Osy Qaǵıda «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń (budan ári -Zań) 16-babynyń 18) tarmaqshasyna sáıkes ázirlengen jáne paıdaly qazbalar jatqan alańdarda qurylys salýǵa ruqsat berý tártibin aıqyndaıdy.
2. Paıdaly qazbalar jatqan alandarda qurylys salýǵa ruqsat berý tártibi
2. Paıdaly qazbalar jatqan alańdarda qurylys salýǵa, sondaı-aq olar jatqan oryndarda jerasty qurylystaryn ornalastyrýǵa, jer qoınaýyn zertteý men paıdalaný jónindegi ýákiletti organnyń jáne ónerkásip qaýipsizdigi salasyndaǵy ýákiletti organnyń ruqsatymen paıdaly qazbalardy alý múmkindigin qamtamasyz etý nemese qurylys salýdyń ekonomıkalyq oryndylyǵy dáleldengen degen shartpen ruqsat etiledi.
3. Paıdaly qazbalar jatqan alańdarda qurylys salýǵa, sondaı-aq olar jatqan oryndarda jerasty qurylystaryn ornalastyrýǵa ruqsat alý úshin zańdy nemese jeke tulǵa jer qoınaýyn zertteý jáne paıdalaný jónindegi ýákiletti organǵa (budan ári – ýákiletti organ) erikti nysanda ótinimdi joldaıdy. О́tinimde paıdaly qazbalar jatqan alańdarda qurylys salýǵa, sondaı-aq olar jatqan oryndarda jerasty qurylystaryn ornalastyrýǵa ruqsat suralatyn zańdy tulǵanyń ataýy nemese jeke tulǵanyń tegi, aty, ákesiniń aty, onyń vedomstvolyq qatystylyǵy, mekenjaıy, geografııalyq koordınattardaǵy qurylys obektisiniń ornalasatyn jeri kórsetiledi.
4. Ýákiletti organ zańdy nemese jeke tulǵadan kelip túsken ótinimdi tirkeıdi jáne 3 (úsh) jumys kúni ishinde ony qurylys salý obektisiniń aýmaqtyq tıesiligine sáıkes ýákiletti organnyń aýmaqtyq bólimshesine (budan ári - aýmaqtyq bólimshe) qaraýǵa joldaıdy.
Aýmaqtyq bólimshe ótinim túsken sátten bastap 10 (on) jumys kúni ishinde ony qaraıdy jáne qaraý nátıjeleri boıynsha ýákiletti organǵa zańdy ne jeke tulǵa málimdegen bolashaqtaǵy qurylys salý alańynyń astynda paıdaly qazbalardyń bar ne joq ekendigi (mańyzdylyǵynyń azdyǵy) týraly qorytyndyny joldaıdy.
5. Aýmaqtyq bólimsheden ýákiletti organǵa zańdy nemese jeke tulǵa málimdegen bolashaqtaǵy qurylys salý alańynyń astynda paıdaly qazbalardyń joq ekendigi (mańyzdylyǵynyń azdyǵy) týraly qorytyndy kelip túsken jaǵdaıda, ýákiletti organ 5 (bes) jumys kúni ishinde zańdy nemese jeke tulǵaǵa málimdelgen alańda qurylys salýǵa ruqsat beretin qujat bolyp tabylatyn paıdaly qazbalardyń joq ekendigi (mańyzdylyǵynyń azdyǵy) týraly qorytyndyny beredi. Bul rette atalǵan qujatty ónerkásip qaýipsizdigi salasyndaǵy ýákiletti organmen kelisý qajet emes.
Aýmaqtyq bólimsheden ýákiletti organǵa zańdy nemese jeke tulǵa málimdegen bolashaqtaǵy qurylys salý alańynyń astynda paıdaly qazbalardyń bar ekendigi týraly qorytyndy kelip túsken jaǵdaıda, ýákiletti organ osyndaı qorytyndy kelip túskennen keıin 2 (eki) jumys kúni ishinde ónerkásip qaýipsizdigi salasyndaǵy ýákiletti organǵa atalǵan qorytyndynyń kóshirmelerin jáne zańdy nemese jeke tulǵanyń ótinimderin paıdaly qazbalar jatqan alańdarda qurylys salýǵa, sondaı-aq olar jatqan oryndarda jerasty qurylystaryn ornalastyrýǵa ruqsat berý týraly máseleni qaraý úshin joldaıdy.
6. О́nerkásip qaýipsizdigi salasyndaǵy ýákiletti organ ýákiletti organnan aýmaqtyq bólimsheniń qorytyndysynyń kóshirmeleri men zańdy nemese jeke tulǵanyń ótinimderi kelip túsken sátten bastap 5 (bes) jumys kúni ishinde atalǵan qujattardy qaraıdy jáne ýákiletti organǵa paıdaly qazbalar jatqan alańdarda qurylys salýǵa ruqsatty ne osy Qaǵıdanyń 8-tarmaǵynda kózdelgen jaǵdaılarda jazbasha túrde dáleldi bas tartýdy jiberedi.
7. Ýákiletti organ aýmaqtyq bólimsheniń qorytyndysy kelip túsken sátten bastap 7 (jeti) jumys kúni ishinde ony qaraıdy jáne zańdy nemese jeke túlǵaǵa ýákiletti organnyń jáne ónerkásip qaýipsizdigi salasyndaǵy ýákiletti organnyń paıdaly qazbalar jatqan alańdarda qurylys salýǵa arnalǵan ruqsatty ne osy Qaǵıdanyń 8-tarmaǵynda kózdelgen jaǵdaılarda jazbasha túrde dáleldi bas tartýdy beredi.
8. Eger kurylys salý barysynda jer qoınaýynan paıdaly qazbalardy alý múmkin bolmasa nemese kurylys salýdyń ekonomıkalyq orynsyzdylyǵy dáleldenbese, ýákiletti organnyń ruqsatyn jáne paıdaly qazbalar jatqan alańdarda qurylys ornalastyrýǵa, sondaı-aq olar jatqan oryndarda jerasty qurylystaryn ornalastyrýǵa ónerkásip qaýipsizdigi salasyndaǵy ýákiletti organnyń ruqsatyn berýden bas tartylady.
9. Ýákiletti organ ózine zańdy nemese jeke tulǵa bergen jer qoınaýynda paıdaly qazbalardyń joq ekendigi (mańyzdylyǵynyń azdyǵy) týraly qorytyndylardy jáne paıdaly qazbalar jatqan alańdarda qurylys salýǵa ruqsattardy, olar jatqan jerlerde jerasty qurylystaryn ornalastyrýǵa ruqsattardy, sondaı-aq ónerkásip qaýipsizdigi jónindegi ýákiletti organ bergen ruqsattardy esepke alýdy jáne tirkeýdi júrgizedi.
10. Paıdaly qazbalar jatqan alandarda óz betinshe salynyp jatqan qurylystar nemese olar jatqan oryndarda jerasty qurylystaryn ornalastyrýǵa jumsalǵan shyǵyndar jáne kelisimsharttyq aýmaqtyń jerlerin rekýltıvasııalaý men salynǵan obektilerdi qaıta buzýǵa ketken shyǵyndar ótelmeı toqtatylady.