Jambyl oblysynyń Baızaq aýdanynda jylyna 4000 tonnaǵa deıingi broıler etin óndiretin «Áýlıe-Ata Fenıks» JShS qus fabrıkasy jumysyn bastady. Jalpy quny 2 mlrd teńgeni quraıtyn jobany qarjylandyrý «QazAgro» holdınginiń qurylymyndaǵy kompanııa «QazAgroQarjy» AQ qatysýymen júzege asyryldy. Jańa óndiris burynǵy 1978 jyly salynǵan, biraq 90-shy jyldardyń basynan bastap jumys isteý múmkindigi bolmaǵan eski ósiretin qus fabrıkasynyń bazasynda quryldy.
Jobany iske asyrý barysynda 16 qus qorasyna, qoımalarǵa, zerthanalarǵa, ákimshilik ǵımarattaryna kúrdeli jóndeý jumystary júzege asyryldy, soıý jáne qurama jem sehtary qalpyna keltirildi, ınkýbatorııa salyndy. «Bıznestiń jol kartasy-2020» baǵdarlamasy sheńberinde 547 mln teńge somasyna nysandy salý kezinde kommýnıkasııalyq júıelerdiń keńeıtilgen jelisi júrgizildi.
«QazAgroQarjy» AQ bólingen qarajatqa sonymen birge broılerlerdi edende baǵyp kútýge arnalǵan jabdyq, qus qorasyna jylytqyshtar, qus qorasyn basqarý júıesi, ınkýbasııalyq jáne tońazytqysh jabdyqtary, qurama jem óndirisi jabdyǵy, soıý jelisi satyp alyndy.
«Áýlıe-Ata Fenıks» JShS dırektory Farıda Júnisovanyń aıtýynsha, kásiporyn «Halal» standarty boıynsha joǵary sapaly et shyǵaratyn bolady. Qus fabrıkasy jergilikti naryqqa jáne Qazaqstannyń basqa qalalaryna et jetkizýdi josparlaıdy, kórshi Reseı, Qytaı, sondaı-aq Vetnam elderine ónimdi eksporttaý týraly usynystar túsýde.
«Jambyl oblysynda broıler etin shyǵaratyn qus fabrıkasy «QazAgroQarjy» AQ qarjylandyrǵan jobalardyń biri. Osyndaı jobalar, elde qajet ónimdi shyǵaratyndar jáne óńirlerde jumys oryndaryn quratyndar úshin ǵana paıdaly emes, sondaı-aq agrarlyq salada basqa baǵyttardy yntalandyrýshy, kóptegen aralas kásiporyndarǵa jumys beretinder úshin de paıdaly», – deıdi «QazAgroQarjy» AQ Investısııalyq jobalar departamentiniń dırektory Baýyrjan Sábıtov.
Qus fabrıkasynyń ashylýy rásiminde Jambyl oblysynyń ákimi K.Kókrekbaev «Búgin, ındýstrııalandyrý baǵdarlamasy sheńberinde biz «Áýlıe-Ata Fenıks» JShS jobasyn ashamyz. Bul bizge jaqyn óńirlerdi sapaly ekologııalyq azyq-túlik ónimimen qamtamasyz etýge múmkindik beredi, aımaqtyń bıýdjetine salyq túsimin arttyrady. Osynyń bári jalpy aýdannyń ál-aýqatyn jaqsartý úshin oń tıimdiligin kórsetedi, Jambyl oblysymen qatar jalpy elimizdiń ekonomıkalyq damýyna yqpalyn tıgizedi», – dedi óńir basshysy Kárim Kókrekbaev.
Jalpy, respýblıka boıynsha «QazAgro» ulttyq holdıngimen qus fabrıkalarynyń qurylysy boıynsha 24 joba maquldanǵanyn atap ótý qajet.
Joldybaı BAZAR