Alataýdyń baýraıyndaǵy Úshqońyr aýylynda ornalasqan «Shapaǵat» ólketaný murajaıy óńir mádenıetiniń bir oshaǵy bolyp sanalady. Murajaıda Qarasaı batyr atyndaǵy orta mektep basshylyǵynyń uıytqy bolýymen tanymal tulǵalarmen, aqyn-jazýshylarmen keleli kezdesýler ótkizý dástúrge aınalǵan. Naqtylaı tússek, jas urpaqtyń Uly dalaǵa degen perzenttik súıispenshiligin arttyryp, óz elin maqtan tutý maqsatynda belgili aqyn, Halyqaralyq «Alash» jáne Muqaǵalı atyndaǵy ádebı syılyqtarynyń laýreaty Orazaqyn Asqar bastaǵan Ulttyq kitaphana qyzmetkerlerimen kezekti kezdesý ótken edi. Oǵan Úshqońyr aýyly ortalyq kitaphanasynyń qyzmetkerleri jáne Úshqońyr aýylyndaǵy orta mektepterdiń ustazdary qatysty. Qazaqstan Respýblıkasynyń Ulttyq kitaphanasy tarapynan mektep oqýshylaryna kórme uıymdastyrylyp, mektep murajaıy men kitaphanasyna 120 kitap syıǵa tartyldy.
«Shapaǵat» tarıhı-ólketaný murajaıynda 2 500-den asa qundylyq bar. Qosymsha qorǵa jatatyn fotosýretter, syzbalar, is-tájirıbelerdi baıandaıtyn hattamalar retimen ornalastyrylǵan. Murajaı qorlary kitapshaǵa tizimdelgen. Murajaı óz qyzmetin Elbasytaný qyzmetimen, ólketaný jumystarymen jáne Elbasynyń balalyq shaǵy jáne qyzmetimen ushtastyryp júrgizedi. Murajaı zattary ár bólimniń taqyrybyna saı estetıkalyq talǵammen bezendiril-
gen, – deıdi osy murajaıda ekskýrsııa júrgizýshi Rymkesh Baıqonysova.
Nurbol ÁLDIBAEV,
«Egemen Qazaqstan»
Almaty oblysy,
Qarasaı aýdany