2011 jylǵy 27 maýsym, Astana, Úkimet Úıi
Qazaqstan Respýblıkasy Úkimetiniń «Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesin bekitý týraly» 2009 jylǵy 30 qazandaǵy № 1729 jáne «Oblystyq bıýdjetterdiń, Astana jáne Almaty qalalary bıýdjetteriniń 2011 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdasyn bekitý jáne Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysyna ózgerister men tolyqtyrýlar engizý týraly» 2011 jylǵy 22 aqpandaǵy № 163 qaýlylaryna ózgerister men tolyqtyrý engizý týraly
Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Úkimetiniń keıbir sheshimderine mynadaı ózgerister men tolyqtyrý engizilsin:
1) «Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesin bekitý týraly» Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysynda (Qazaqstan Respýblıkasynyń PÚAJ-y, 2009 j., № 47-48, 444-qujat):
kórsetilgen qaýlymen bekitilgen Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýndyq-bıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesinde:
88-1 jáne 88-2-tarmaqtar mynadaı redaksııada jazylsyn:
«88-1. Oblystyq bıýdjetterge, Astana jáne Almaty qalalarynyń bıýdjetterine jergilikti deńgeıdegi medısına uıymdaryn materıaldyq-tehnıkalyq jaraqtandyrýǵa beriletin aǵymdaǵy nysanaly transfertterdi qosa alǵanda, respýblıkalyq bıýdjet qarajaty esebinen satyp alynatyn medısınalyq tehnıkany satyp alýdy uıymdastyrýshy «SQ-Farmasııa» jaýapkershiligi shekteýli seriktestigi bolady.».
88-2. Respýblıkalyq qarajat esebinen satyp alynatyn medısınalyq tehnıkany satyp alýdy daıyndaý jáne uıymdastyrý maqsatynda densaýlyq saqtaý salasyndaǵy ýákiletti organ Oblystyq bıýdjetterdiń, Astana jáne Almaty qalalary bıýdjetteriniń aǵymdaǵy qarjy jylyna arnalǵan respýblıkalyq bıýdjetten densaýlyq saqtaý salasyna beriletin nysanaly aǵymdaǵy transfertterdi paıdalaný qaǵıdasy bekitilgen kúnnen bastap kúntizbelik bes kúnnen keshiktirmeı medısınalyq tehnıkalyq satyp alýdy uıymdastyrýshyǵa árbir ataýy boıynsha medısınalyq tehnıkanyń tizbesi, mólsheri, merzimi, jetkizý sharttary men jeri, baǵasy jáne satyp alý úshin bólingen soma qamtylatyn aqparatty usynady.»;
2) «Oblystyq bıýdjetterdiń, Astana jáne Almaty qalalary bıýdjetteriniń 2011 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdasyn bekitý jáne Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2011 jylǵy 22 aqpandaǵy № 163 qaýlysynda:
kórsetilgen qaýlymen bekitilgen Oblystyq bıýdjetterdiń, Astana jáne Almaty qalalary bıýdjetteriniń 2011 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdasynda:
kórsetilgen qaǵıdaǵa 1-qosymshada:
mynadaı mazmundaǵy rettik nómiri 27-jolmen tolyqtyrylsyn:
«27. Jyljymaly medısınalyq keshen».
2. Osy qaýly qol qoıylgan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.