Gollıvýd fılmderindegi alyp robottardy endi tek kógildir ekrannan ǵana emes, shynaıy ómirde de kezdestirýge bolady, dep jazady «»Habar 24».
Ońtústik Koreıanyń ónertapqyshtary adam tárizdes qultemir jasap shyǵardy. Ol adamnyń aıtqanyn múltiksiz oryndap, qoldaryn qozǵap, júre alady. Ony qashyqtan basqarýǵa da bolady. Al robottyń Gollıvýd kınolaryndaǵy transformer men termınatorǵa uqsastyǵy tegin emes. Sebebi, onyń dızaınyn osy fılmderde sýretterdiń syzbasyn salǵan maman daıyndaǵan.
Joba kelesi jyly qoldanysqa enip, onyń quny 8,5 mln dollarǵa deıin baǵalanady.
«Biz jasaǵan robot kıno salasy men oıyn-saýyq alańdarynda qoldanylady. Sonymen qatar qultemirdi qara kúshti qajet etetin ónerkásip pen qurylysta da paıdalanýǵa bolady. Áskerı óndiristerden de tapsyrys túsip jatyr», - deıdi Hankook Mirae Technology basshysy Iаn Djın Ho.