«Qazgıdromet» RMK 2017 jyldyń 5-7 qańtaryna arnalǵan aýa raıy boljamyn usynady.
Jańa jyldyq mereke kúnderi aýa temperatýrasy Qazaqstan aýmaǵynda normadan 8-15ºS joǵary boldy. Kúndizgi temperatýra +2ºS deıin kóterildi. Shyǵys oblystaryndaǵy jyly aýa raıy birinen soń biri Batys Sibir jáne Qazaqstannyń soltústik aýdandary arqyly ótken atlantıkalyq sıklondarmen baılanysty boldy.
Kezekti sıklon jaqyn aradaǵy táýlikterde respýblıkanyń soltústik jartysyndaǵy aýa raıyna óz yqpalyn tıgizedi. Soǵan oraı qar jaýyp, boran soǵyp, batys jeli kútilýde.
Ortalyq Azııadan jyljyǵan sıklonnyń áserinen ońtústik oblystarda jaýyn-shashyn bolyp, tuman túsedi jáne arty kóktaıǵaqqa aınalady. Qazaqstanǵa Arhangelsk aýdanynan antısıklon aýysyp, 6-7 qańtarda respýblıkanyń kóptegen oblystarynda ótkinshi sýyq týdyrady.