Eýrazııalyq Top quramyndaǵy «Qazaqstan alıýmınııi» AQ Jańa jyl merekesi aldynda erekshe shyrsha ornatty. Shyrsha jarqyraǵan shamdarmen emes, kompanııada eńbek etetin kóp balaly jáne az qamtylǵan otbasy balalarynyń, sondaı-aq, zaýyt qamqorlyǵyna alǵan Jańabet, Úshqulyn aýyldary, oblys ortalyǵyndaǵy №4, №9 mektepter oqýshylarynyń arman-tilekteri jazylǵan hattarmen bezendirildi.
Al, 8 jasar Bekzat Aıaz atadan DSP-ǵa shaldyqqan inisi Mırhat úshin medısınalyq arnaıy «júgirý jolyn» suraǵan eken. Mırhattyń saýyǵyp ketýine osyndaı ońaltý quraly qajet.
– Meniń ulym Aıaz ataǵa senedi. Ol Jańa jyl merekesin jaqsy kóredi. Osy merekede qandaı da bolsyn syılyqty asyǵa kútedi. Bizdiń qymbat syılyqtar satyp alýǵa jaǵdaıymyz kelmeıdi, – deıdi Bekzat pen Mırhattyń anasy Janar. – Bekzat ta múmkindigi shekteýli bala, oǵan 6 ret ota jasaldy. Bizdiń Bekzat týǵan baýyrynyń júrip ketýin, onymen birge oınap, shana teýip, júgirýdi armandaıdy. Ol: «Anashym, Mırhat júrýi úshin ne qajet?» dep suraǵan edi. Inisi úshin arnaıy medısınalyq júgirý quraly qajet ekenin bilgesin, osy quraldy Aıaz atadan suraýǵa bel baılapty.
Bekzattyń armanyn «Qazaqstan alıýmınııi» AQ prezıdenti Arman Esenjolov oryndady. Kompanııa basshysy aýrý balaǵa júgirý quralyn ǵana emes, Bekzat armandaǵan uıaly telefondy da tartý etti.
Hat joldaǵandar 5 pen 12 jas aralyǵyndaǵy balalar bolyp shyqty. Aıaz ataǵa joldaǵan hattarynda olar oqýdaǵy tabysy men úlgili tártibi, bıylǵy jyly da ata-analaryn jetis- tikpen qýanta beretinin jazypty.
Jańajyldyq mundaı ǵajaıyp is-sharany jasaýǵa «Qazaqstan alıýmınııi» AQ prezıdenti Arman Esenjolov jáne qurylymdyq bólimsheler men bólimder basshylary bastama jasady. Sóıtip, balalardyń «arman-tilekteri» jazylǵan hattar bir apta boıy qabyldandy. Bólimsheler syılyqtar ázirledi.
Farıda BYQAI,
«Egemen Qazaqstan»
PAVLODAR