Qazaqstan fýtbol federasııasyndaǵy (QFF) Tórelik etý jáne qadaǵalaý departamentiniń basshysy aýysty, dep habarlady atalǵan federasııanyń baspasóz qyzmeti.
Jeltoqsan aıynyń úshinshi onkúndigi bastalǵan kezde Reseı mamany Nıkolaı Levnıkovtiń QFF Tórelik etý jáne qadaǵalaý departamentiniń dırektory bolatyndyǵy belgili boldy. Atalǵan maman ózine Qazaqstan tarapynan osyndaı usynys túskenin búkpesiz jarııa etti. Keshe Qazaqstan fýtbol federasııasynyń saıty Nıkolaı Levnıkovtiń Tórelik etý jáne qadaǵalaý departamentiniń dırektory bolyp taǵaıyndalǵandyǵyn resmı túrde málimdedi.
Esterińizge sala keteıik, Levnıkov 2008-2009 jyldary Qazaqstan fýtbol federasııasynyń Tórelik etý jáne qadaǵalaý departamentin basqarǵan. Qazaqstandyq tóreshilerdiń denin jaqsy tanıdy. Nıkolaı Levnıkov buǵan deıin (sońǵy tórt jylda) Reseı fýtbol odaǵynyń Tóreshiler komıteti tóraǵasy qyzmetin atqaryp keldi.
Ol 1956 jyly 15 mamyrda týǵan. ÝEFA Tóreshiler komıtetiniń múshesi. FIFA-nyń halyqaralyq dárejedegi tóreshisi.