Ázirge balabaqsha qyzmetkerleri qarapaıym uıaly telefonǵa aýysqan. Mundaı sheshim birer apta buryn oblystyq ata-analar qoǵamy keńesiniń otyrysynda qabyldanǵan bolatyn.
Taıaý arada mektep dırektorlary men ata-analar oqý oryndarynda balalardyń smartfon qoldanýyna tyıym salý týraly sheshim shyǵarady, dep habarlady QazAqparat.
«Men bul tyıymǵa qarsymyn. Ulym kishkentaı bala emes jáne óz zattary men tehnıkasyna ıe bola alady. Kelesi jyly joǵary oqý ornyna túsedi. Synaqtarǵa daıyndalý kerek, mobıldi ınternet únemi janynda bolý kerek. Meniń oıymsha, sabaq ústinde smartfonǵa qarap, oıy bólingen oqýshyǵa tyıym salý kerek», - dedi qala turǵyny Marına.
«Qazir árbir mektep osy másele boıynsha ata-analar pikirin jınap jatyr. Eger naqty bir mekteptiń ata-analary bastamaǵa qoldaý bildirse, ákimshilik ishki tártip erejesine ózgerister engizedi. Onda balalar men pedagogtarǵa smartfon ustaýǵa tyıym salý týraly pýnkti paıda bolady. Iаǵnı, ata-analar men mektep ákimshiligi birlesip sheshim qabyldaıdy. Bul is júzege asyp jatsa, mektep basshylyǵy smartfondardyń bútindigine jaýap beredi», - dedi ShQO bilim berý basqarmasynyń basshysy Aıjan Sadyqova.