Almatyda 28-shi Dúnıejúzilik Qysqy ýnıversıada-2017 qarsańynda jappaı jeńildikter naýqany bastalady, dep habarlaıdy Almaty qalasy Kásipkerlik jáne ındýstrıaldy-ınnovasııalyq damý basqarmasy.
Basqarmanyń málimdeýinshe, Almaty Sales Festival sheńberindegi satylym 20 qańtar men 10 aqpan aralyǵynda ótedi. Osy kezeń aralyǵynda qalaǵa Qazaqstan óńirleri men álemniń 58 elinen 2 myńnan astam sportshy men týrıst keletini josparlanýda.
Barlyq 126 saýda ortalyǵy men «street retial» úlgisindegi dúkenderde azyq-túlikten basqa taýarlarǵa jeńildikter beriledi. Naýqandyq usynystar Ýnıversıada-2017 is-sharasyna arnaıy uıymdastyrylmaq.
Aıta keteıik, 2016 jylǵy jeltoqsanda qalada Jańa jyl merekecine oraılastyrylǵan satylymdar júrgizilgen bolatyn. Naqtylasaq, 120-dan astam saýda ortalyǵy men 120 azyq-túlik dúkeninde 19%-dan 80%-ǵa deıingi jeńildikter boldy.