Qazirgi ýaqytta birde-bir memlekettik organ turǵyn úıge qansha adamnyń tirkelgendigi týraly aqparatty naqty bere almaıdy, dep habarlaıdy «QazAqparat».
Bul olqylyqtyń oryn alǵanyna birneshe jyl bolǵan. Tek qazirgi ýaqytta ýaqytsha tirkeýge turý mindetti bolǵannan keıin ǵana bul problema kóterilip otyr. Máselen, búginde Astana turǵyndary áleýmettik jeliler arqyly bir-birinen páterge qansha adam tirkelgendigin anyqtaý úshin qaıda júginý qajettigin suraýda.
Aıta keteıik, buǵan deıin páterge tirkelgen adamdar týraly aqparattardy saqtaý qyzmetin atqarǵan úı kitapshasy joıylǵan bolatyn. «Azamattar úshin Úkimet» baspasóz qyzmetinen páterge qansha adamnyń tirkelgendigi týraly aqparatty esh jerden alý múmkin emestigin aıtty. Degenmen, onyń bir joly bar. Ol kóshi-qon polısııasyna júginý.
Ishki ister mınıstrliginiń málimetinshe, aldaǵy ýaqytta Qazaqstanda árbir nysanǵa, páterge arnalǵan «elektrondy úı kitapshasy» jasalatyn bolady. Bul «rezeńke» páterlerdiń ıelerin anyqtaýǵa, belgili bir zańdy mekenjaıda tirkelgen azamattardyń sanyn anyqtaýǵa múmkindik beredi.
«Baspananyń menshik ıesi de naqty zańdy mekenjaı boıynsha tirkelgen azamattardy teksere alatyn bolady. Sonymen qatar olardy tirkeýden shyǵarý sharalaryn da qabyldaı alady. Bul óz kezeginde ákimshilik jaýapkershilikke iligetin adamdardy anyqtaýǵa múmkindik beredi», - dedi mınıstrlikten.
IIM aqparatyna qaraǵanda, qazirgi ýaqytta memlekettik organdardyń «Meken jaı tirkelimi» (Aqparat jáne kommýnıkasııalar mınıstrligi), «Jyljymaıtyn múlik tirkelimi» (Ádilet mınıstrligi) jáne «Qujattaý jáne halyqty tirkeý» tirkeý pýnkti» (Ishki ister mınıstrligi) málimetter bazasyn ıntegrasııalaý prosesi aıaqtalyp qaldy.