EAEO-daǵy jumyssyzdar sany 2016 jyldyń qarashasynda jarty mıllıonnan asty. Bul týraly Eýrazııalyq ekonomıkalyq komıssııa habarlady.
Qarashada Qazaqstandaǵy jumyssyzdar sany 64,6 myń adamdy qurap, 2015 jyldyń qarashasymen salystyrǵanda 11%-ǵa ósken. Osy kezeńde Armenııadaǵy eńbek bırjasynda tirkelgen jumyssyzdar 5,9%-ǵa kóbeıgen. Al Belarýs elinde 17,1%-ǵa, Qyrǵyzstanda 0,7%-ǵa jáne Reseıde 9,9%-ǵa tómendedi.
Halyqaralyq eńbek uıymynyń sońǵy málimeti boıynsha, EAEO-daǵy jumyssyzdyq orta eseppen 5,4%-ǵa teń. Onyń ishinde Armenııada — 18,1% (2016 jyldyń III toqsany), Qazaqstanda — 5% (2016 jyldyń qarashasy), Qyrǵyzstanda — 7,6% (2015 jyl), Reseıde — 5,4% (2016 jyldyń qarashasy). Esepke alynǵan jumyssyzdar sany odaq elderindegin ekonomıkalyq belsendi halyqtyń jalpy kóleminiń 1,2%-yn quraǵan.