«Astana» Prezıdenttik klýbynyń Astana Motorsports komandasy «Dakardyń» tórtinshi kezeńinde Argentına men Bolıvııa aralyǵyndaǵy 500 shaqyrymnan astam jerdi eńserdi, dep habarlaıdy QazAqparat.
Atap aıtqanda, osy kezeńde Denıs Berezovskııdiń basshylyǵymen jeńil kóliktegi ekıpaj quramy (T2) óz sanattarynda úshinshi oryndy saqtap keledi. Astana Motorsports baspasóz qyzmetiniń málimetinshe, júk kóligimen jarysqandar arasynda Artýr Ardavıchýs MAN avtomobılimen tehnıkalyq qıyndyqtarǵa tap bolyp, onyń ekıpajy jalpy týrnırlik esepte 37-shi oryndy ıelendi.
Júk kóligimen qatysyp júrgen qazaqstandyq komandanyń aldaǵy kúnderge josparlaǵan basty maqsaty aldyńǵy oryndarǵa shyǵýǵa negizdelgen. Denıs Berezovskııdiń sózine qaraǵanda, qumdy jerlerden ótý ońaı bolmaǵanymen, onyń ekıpajy alda kele jatqan Toyota Autobody komandasynan Krıstıan Lavıeldi basyp ozýǵa qaýqarly boldy. Alda jarystyń segiz kúninde qazaqstandyqtar birinshi orynnan kórinýge barynsha áreket jasaıtyn bolady. Búgin Týpısadan Orýroǵa deıingi bolıvııalyq araqashyqtyq 692 shaqyrymdy qamtymaq, al júk kólikteri 683 shaqyrymdy eńserýi tıis.